Entrevista á protectora de animais de Porriño sobre a polémica coa canceira de Meis 20/09/12

Instalacións da canceira de Meis (por Carlos Puga)

Manán, venres 21 de setembro ás 21.00h, trece protectoras e refuxios de animais da provincia convocan unha protesta diante do Pazo da Deputación de Pontevedra. O motivo: consideran que o ente público está a facer unha xestión inaxeitada da canceira de Meis. Denuncian que se pretende privatizar o servizo provocando que a canceira acabe por converterse nun lugar de sacrificio dos animais por falta de espazo xa que se busca cubrir todos os concellos da provincia que o desexen.

Baixo o nome de Plataforma contra o exterminio de cans, as protectoras piden que se faga o uso real para o que se creou a instalación, financiada principalmente con fondos da UE e pensada para dar servizo soamente a concellos da súa contorna. Os defensores dos animais aseguran tamén que a privatización da canceira fará que desaparezan as protectoras de Pontevedra e, por tanto, tamén o seu  labor de difusión de campañas de esterilización, contra o abandono, de concienciación, etc.

Nós falamos con Marta Penelas, da Asociación Protectora de Porriño e Mos (ASPAP), "la gestión por parte de una empresa privada convertirá la perrera en un lugar de limpieza y exterminio de los animales", foi unha das declaracións que nos deixou durante a entrevista.

Para escoitar a entrevista preme neste enlace:
http://archive.org/download/EntrevistaProtectoraAnimaisPorrioSobreCanceiraMeisDeputacion20-09-12/EntrevistaProtectoraAnimaisPorrioSobreCanceiraMeisDeputacion20-09-12.mp3

*Outras entrevistas sobre a PROTECTORA DE ANIMAIS DO PORRIÑO

*Entrevistas SOLIDARIEDADE E BENESTAR SOCIAL na Radio Municipal do Porriño

Entrevista ao alcalde do Porriño, Nelson Santos 01/08/12

Nelson Santos

Falamos co alcade do Porriño, recén estreado o mes de agosto, para repasar a actualidade municipal máis recente. Conversamos sobre emprego, saneamento, a nova ordenanza reguladora de tráfico e seguridade cidadá, deporte, etc.

Sobre emprego díxonos: "Estudamos limitar o prazo de empadroamento para que os que leven toda a vida censados no Porriño teñan preferencia á hora de acceder á bolsa de emprego".

En canto a benestar social comentounos: "En Porriño vai abrir unha nova gardería Galiña Azul e queremos dotar o edificio dos antigos xulgados con servizos de centro de día".

En relación ás obras para conectar o saneamento porriñés á EDAR de Guillarei puntualizou: "Estamos a facer obras en Torneiros, Atios e Carracido (...) Nun prazo de 3-4 anos queremos que todo o Concello estea plenamente sanenado (...) En canto a Chenlo, estudamos conectala a Guillarei ou a posible colocación dunha pequena depuradora na propia parroquia".

Sobre a prohibición de colocar carteis no Concello en lugares non habilitados a tal fin (ex. mobiliario urbano, sinais de tráfico etc.)  baixo ameaza de sanción económica o alcalde dixo o seguinte: "O que non pode ser é ir pola rúa e atoparse con ducias de pintadas e carteis colocados en calquera sitio (...) Colocáronse uns espazos onde a xente pode expoñer o que queira (...) Multouse xa a unha persoa que estaba a facer unha pintada con 1.500 euros (...) Imos levar a cabo un importante investimento para limpar o Concello de pintadas e graffitis".

Podes escoitar a entrevista completa no seguinte enlace:
http://archive.org/download/EntrevistaAlcaldeDoPorrioNelsonSantos01-08-12/EntrevistaAlcaldeDoPorrioNelsonSantos01-08-12.mp3

Máis entrevistas a Nelson Santos neste enlace:
http://siradioporrino.blogspot.com.es/search/label/Nelson%20Santos

*Entrevistas ALCALDES E CONCELLEIROS na Radio Municipal da Louriña

Entrevista sobre mostra de radios antigas en Mos para o apoio a enfermos de esclerose múltiple 18/07/12

A edil de Benestar de Mos xunto a Luis "O das radios"

Ata este sábado 28 no Pazo de Mos, está aberta ao público unha exposición de radios antigas cunha finalidade solidaria. O coleccionista luso Luis "O das radios" trouxo dende Portugal os aparellos, algún deles de case 100 anos. A entrada é de balde, pero catro radios venderanse ou sacaranse a poxa co obxectivo de recadar fondos para a Asociación Viguesa de Esclerose Múltiple de Pontevedra, Avempo. A clausura é este sábado ás 21.00h coa actuación do Grupo Vocal Amieiro da AVV Chan do Bosque.

Marina Román (foto: J.Lores)

Nós falamos con Marina Román, presidenta de Avempo, sobre a exposición e a esclerose múltiple, enfermidade autoinmunitaria que afecta ao cerebro e á médula espiñal e que ela coñece de primeira man porque a padece dende hai anos. 

"Nuestro sistema nervioso es como un cable de la luz pelado que sufre cortocircuitos", díxonos Marina durante a entrevista. 

Para escoitar a entrevista preme na ligazón de embaixo:

http://archive.org/download/EntrevistaMostraRadiosAntigasEnMosParaApoioEscleroseMultipleAvempo/EntrevistaMostraRadiosAntigasEnMosParaApoioEscleroseMultipleAvempo18-07-12.mp3

*Entrevistas SAÚDE LOURIÑA na Radio Municipal do Porriño
*Entrevistas SOLIDARIEDADE E BENESTAR SOCIAL na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista a 3 nenos saharauis e a edil de Benestar de Mos, sobre o programa Vacacións en paz 12/07/12

Seis nenos saharauis veñen a pasar este verán as súas "vacacións en paz" a Mos. Trátase dun progama de acollida de menores saharauis no que participan, en toda Galicia, uns 300 nenos. O obxectivo é que os rapaces poidan pasar unha temporada alonxados das altísimas temperaturas do deserto e dos campamentos de refuxiados ao tempo que realizan todo tipo de actividades educativas e de lecer. 

Mohamed, Faal, Bachir e S. Cebreiro no noso estudo

Nós falamos Faal, Mohamed e Bachir, tres nenos saharauis que repiten estadía en Mos, e coa delegada da Asociación Solidariedade Galega co Pobo Saharaui, Sara Cebreiro, quen precisamente é nai de acollida dun deles. Os nenos contáronos como pasan estes meses en Mos e como é a súa vida no Sáhara e coa edil de Benestar conversarmos dos pormenores do programa e de como se pode ser familia de acollida. 

"Lo que más nos gusta hacer aquí es ir a la piscina, a la playa y al cine", contáronos os nenos.

"Esta experiencia aporta muchísimo a las familias de acogida", díxonos pola súa parte a edil de Benestar de Mos, Sara Cebreiro. 

Para escoitar a entrevista preme neste enlace:
http://archive.org/download/EntrevistaVacacionsEnPazAcollidaSaharauiscebreiroBachirFaal/EntrevistaVacacionsEnPazAcollidaSaharauiscebreiroBachirFaalMohamed12-07-12.mp3


Neste outro enlace podes escoitar a historia de Yslem, "Hijo del desierto", un rapeiro saharaui afincado no Porriño que de pequeno tamén pasou as súas "vacacións en paz" en Mos:
http://siradioporrino.blogspot.com.es/2011/11/entrevista-yslem-rapeiro-saharaui.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño

Entrevistas sobre campamentos de verán para nen@s no Porriño e Mos 20/06/12

Para facilitar a conciliación da vida laboral e familiar durante o verán e conseguir que os máis pequenos da casa se segan mantendo activos en época de vacacións, os Concellos de O Porriño e Mos organizan diversos campamentos.

No caso do PORRIÑO existen tres opcións: 

- un campamento a desenvolver en dúas quendas (xullo e agosto) con todo tipo de actividades lúdicas e deportivas. Está destinado a nenos de entre 6-12 anos empadroados no Porriño e o prazo para inscribirse (no Concello) remata o día 28 deste mes (20€).

- a segunda opción é o campamento "Todo arte" (25 de xuño-31 de xullo) a cargo dos profesores Nito Pereiro e Nuria Vilanova e destinado a nenos maiores de 6 anos. Os interesados deben inscribirse canto antes no Centro Cultural Municipal (máis información nos tlfs 629.678.379//660.847.160)

- a terceira opción consiste en participar nun campus da Escola Municipal de Música (2-27 de xullo)  para aprender todo o relacionado coa música. De balde. O prazo de inscrición  (na Escola Municipal de Música) remata o 27 xuño.

Por outra banda, o Concello de MOS organiza o Campamento "Mañás de verán" destinado a escolares mosenses. Realizaranse todo tipo de actividades en dúas quendas (xullo e agosto). Prezo: 40€ un neno, 70€ dous irmáns e 100€ no caso de tres membros da mesma familia. O prazo de inscrición (no Concello) remata o 22 de xuño para a primeira quincena e o 6 de xullo para a segunda. 

Todos os campamentos desenvolveranse en horario de mañá. 

Nós falamos coas concelleiras encargadas dos departamentos que levan a cabo estas actividades: Teresa Veloso, concelleira de Cultura do Porriño, e Kely Monzón, edil de Paricipación Cidadá de Mos.

Pincha neste enlace para escoitar a entrevista:
http://archive.org/download/EntrevistaCampamentosVernPorrioEMosteresaVelosoKelyMonzon/EntrevistasCampamentosVeranPorrioEMost.velosoEK.monzn20-06-12.mp3

*Entrevistas OCIO LOURIÑA na Radio Municipal do Porriño

Entrevista sobre sesións didácticas sobre animais na Louriña e o can terapeuta Zipi 14/05/12

Zipi cos escolares da parroquia de Mosende e Pontellas 

"Os animais, os nosos amigos" é unha iniciativa que se está a desenvolver en diferentes centros educativos da Louriña co obxectivo de concienciar aos escolares sobre a importancia dos animais na vida das persoas e a necesidade de tratalos con respecto. Na actividade participan, entre outros, o veterinario Pedro Estévez da Clínica Veterinaria Ars Canis e Reyes Arroyo do Centro de Reeducación Integral Graña Saúde. Con eles falamos da importancia dos animais para o desenvolvemento da sociedade e de como o can terapeuta Zipi axuda na recuperación física e psicolóxica de pacientes. 

Preme neste enlace para escoitar a entevista: 
http://archive.org/download/EntrevistaAnimaisOsNososAmigosArsCanispedroEGraaSaudereyes/EntrevistaAnimaisOsNososAmigosArsCanisEGraaSaude14-05-12.mp3

Neste outro podes escoitar unha entrevista que lle fixemos á Protectora de Animais de Mos e O Porriño, ASPAP:
http://siradioporrino.blogspot.com.es/2011/10/entrevista-protectora-de-animais-de.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño

Entrevista a Santi Santos de Los Limones 03/05/12

Los Limones xunto con La Frontera, Javier Urquijo, Alberto Cunha, Chavellos Folk e The Pressing Brass son os protagonistas do concerto benéfico que organizan a Asociación de Disminuídos Físicos e Psíquicos de Mos, Asodifisi, e X Quatro Espectáculos. O obxectivo é destinar os cartos recadados ao centro para que poida seguir dando servizo a 25 usuarios despois de que este ano perigase a súa continuidade por falta de fondos.
O concerto é mañá sábado 5 de maio ás 22.00h no pavillón do Porriño e as entradas custan 10 euros (5€ fila cero). Hai puntos de venda repartidos en numerosos establecementos do Porriño, Mos e outros concellos limítrofes (máis información aquí ou no teléfono 620.037.849). 

Santi Santos, cantante de Los Limones

Nós quixemos falar con Los Limones para conversar tanto sobre este concerto solidario como da súa traxectoria e último disco. 

Podes escoitar a entrevista a Santi Santos, cantante de Los Limones, neste enlace:
http://archive.org/download/EntrevistaASantiSantosDeLosLimones03-05-12/EntrevistaASantiSantosDeLosLimonesConcertoAsodifisi03-05-12.mp3

Aquí podes escoitar unha entrevista que lle fixemos a membros da directiva de Asodifisi sobre o labor que fan e os problemas económicos destes últmos anos:
http://siradioporrino.blogspot.com.es/2012/04/entrevista-dous-membros-da-directiva-de.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas MÚSICA LOCAL na Radio Municipal do Porriño 

Entrevistas á Plataforma de Afectados pola Hipoteca Vigo-Baixo Miño e ao edil de Servizos Xurídicos do Porriño 25/04/12

1. Entrevista á Plataforma de Afectados pola Hipoteca Vigo-Baixo Miño

A Plataforma de Afectados pola Hipoteca Vigo-Tui Baixo Miño xurdiu en outubro do ano pasado para dar apoio a aquelas persoas que se atopan en risco de perder a súa vivenda habitual por non ser quen de facer fronte ao pago da hipoteca. Este colectivo traballa xunto con outros de toda España na posta en marcha dunha Iniciativa Lexislativa Popular (ILP) para frear desafiuzamentos, promover a dación en pago e o aluguer social.

http://stopdesahuciostbm.wordpress.com/noticias/

Dende a plataforma animan a todos aqueles que se atopen en risco de perder a súa vivenda a unirse para tratar de chegar a un acordo coas entidades bancarias como o fixeron Suso e Clara, un matrimonio de Mos que se enfronta a un desafiuzamento o día 4 de maio.

Este sábado 28 a plataforma comeza a recoller sinaturas para chegar ás 500.000 necesarias para poñer en marcha a ILP e tamén organizan tamén unha gala benéfica.

Falamos de todo isto con Carlota Pérez, vocal na plataforma. Podes escoitar a entrevista se pinchas o seguinte enlace:
http://archive.org/download/EntrevistaPlataformaAfectadosHipotecaVigo-baixoMio25-04-12/EntrevistaPlataformaAfectadosHipotecaVigo-baixoMio25-04-12.mp3


2. Entrevista Oficina de Intermediación Hipotecaria Porriño 

Carlos Martínez, de fronte, durante a sinatura do convenio

O Colexio Provincial de Avogados de Pontevedra e o Concello do Porriño veñen de asinar un convenio para crear no municipio unha oficina de intermediación hipotecaria. O Porriño é así pioneiro en dispoñer deste servizo de asesoramento e apoio a aquelas persoas que, ao non poder pagar a hipoteca, corren o risco de seren desafiuzados. Dous días a semana e de xeito gratuíto avogados atenderán en dependencias municipais a persoas que estean nesta situación tendo preferencia aquelas que pertenzan a colectivos en risco de exclusión social.

Nós falamos con Carlos Martínez, edil de Servizos Xurídicos do Porriño, para afondar nos detalles:
http://archive.org/download/EntrevistaACarlosMartnezEdilServizosXuridicosPorrioSobreOficina/EntrevistaCarlosMartnezOficinaIntermediacinHipotecaria25-04-12.mp3

Aquí podes escoitar a historia de Jesús Fernández e Clara Fervenza, un matrimonio de Mos ao que o banco lle  poxou a casa e que non ten onde ir se os botan:
http://siradioporrino.blogspot.com.es/2012/04/entrevista-familia-de-mos-que-se.html


*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista á familia de Mos que se enfronta a un desafiuzamento por non poder pagar a hipoteca 17/04/12

Clara e Jesús no noso estudo

Jesús Fernández e Clara Fervenza son un matrimonio de Mos con dúas fillas (unha delas menor de idade) que se enfronta a unha orde de desafiuzamento porque non foron quen de pagar a hipoteca logo de que Jesús quedase no paro. O Banco Popular sacou a poxa a súa casa na parroquia de Cela e agora teñen que abandonala antes do día 4 de maio. A situación agrávase xa que a maiores, a familia ten que facer fronte ao pagamento da débeda que contraeu co banco máis intereses e actualmente só subsisten cos 500 euros que gaña Clara no seu traballo a media xornada. 

Grazas ao apoio da Plataforma de Afectados pola Hipoteca de Vigo- Tui-Baixo Miño conseguiron ser recibidos polo banco e facer a súa petición de optar a un aluguer social para poder seguir vivindo temporalmente na súa casa. A espera dunha resposta, Jesús e Clara non perden unha feble esperanza, pero afirman que non teñen onde ir se os botan. 

Preme o seguinte enlace para escoitar a entrevista que lle fixemos:
http://archive.org/download/EntrevistaMatrimonioDesahucioMosJessEClara17-04-12/EntrevistaMatrimonioDesahucioMosJessEClara17-04-12.mp3

--> O 30 de abril volvemos falar con Jesús Fernández logo de que a cinco días para o desafiuzamento o banco aínda non lles dese unha resposta. Falamos con el durante unha concentración que fixo xunto coa súa muller ás portas do banco en Vigo e apoiado por membros da Plataforma de Afectados pola Hipoteca. Para escoitar o que nos contou preme o enlace: 

http://archive.org/download/EntrevistaASusoParaFalarDoDesahucioInminenteEConcentracinDianteDo/EntrevistaMatrimonioDesahucioMosIiSusoEClara30-04-12.mp3

--> O 4 de abril paralizouse o desafiuzamento temporalmente a un día de que a familia tivese que abandonar a casa. Falamos novamente con Jesús para que nos contase cal foi o acordo ao que chegaron co banco: 

http://archive.org/download/EntrevistaParalizacinDesahucioFamilidaDeMosJess04-05-12/EntrevistaParalizacinDesahucioFamiliaMosJess04-05-12.mp3

Aquí podes escoitar unha entrevista posterior que lle fixemos á Plataforma de Afectados pola Hipoteca Vigo-Tui Baixo Miño que presta apoio a esta familia e a outras persoas en situacións similares: 

http://siradioporrino.blogspot.com.es/2012/04/entrevistas-plataforma-de-afectados.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño

Entrevista a dous membros da directiva de Asodifisi Mos II 30/03/12

Maruja e Rodrigo durante a entrevista

Hai uns meses entrevistabamos a membros da directiva da Asociación de Disminuídos Físicos e Psíquicos de Mos, Asodifisi, para falar do seu 20 aniversario e do importante labor que desenvolve na comarca prestando servizo a 25 usuarios. Nesta ocasión, convidámolos por outra razón. E é que Asodifisi está a atravesar unha delicada situación económica que pon en perigo a súa continuidade. A razón principal son os atrasos nos pagamentos das axudas económicas por parte de institucións públicas como o Concello de Mos ou a Xunta de Galicia. Aínda que ámbolos organismos xa confirmaron o ingreso das cantidades acordadas, a asociación non quere verse outra vez nesta situación límite e por iso pide axuda aos veciños e outros particulares para saír adiante. A directiva está a facer unha campaña de captación de socios (a partir de 15 euros ao ano) e preparando unha serie de eventos para recadar fondos e así non depender das axudas públicas. 

Podes escoitar a entrevista a Maruja Carrera, presidenta de Asodifisi, e a Rodrigo Rodríguez, secretario, clicando no seguinte enlace:

http://archive.org/download/EntrevistaADousMembrosDaDirectivaDeAsodifisiMosIi30-03-12/EntrevistaDirectivaAsodifisiMosIi30-03-12.mp3

Neste outro podes escoitar unha entrevista anterior que fixemos co gallo do 20 aniversario da asociación:

http://siradioporrino.blogspot.com.es/2011/11/entrevista-asodifisi-mos-24111.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista á porriñesa Cristina Diz, adestradora de cans 31/01/12

Cristina con animais da protecotra

Cristina Diz, veciña do Porriño, é adestradora de cans e membro da Asociación Protectora de Animais de Porriño e Mos, ASPAP. Convidámola ao noso estudo de Torneiros para que nos falase da súa profesión e nos explicase en que consiste a técnica que emprega: o adestramento en positivo. Conversamos tamén sobre casos concretos cos que tratou, de curiosidades e de técnicas e consellos á hora de coidar un animal.

Por último, tamén abordamos o tema da protectora. Os seus membros acollen animais perdidos ou abandonados ata que atopan un novo fogar e á espera de que se constrúa por fin un refuxio na comarca.

Preme o seguinte enlace para escoitar a entrevista:

http://www.archive.org/download/EntrevistaACristinaDizAdestradoraDeCans31-01-12/EntrevistaAdestradoraDeCansCristinaDiz31-01-12.mp3

Neste outro podes escoitar a entrevista a Marta Penelas, tesoureira de ASPAP, na que nos conta todo o labor que desenvolven na protectora:
http://siradioporrino.blogspot.com/2011/10/entrevista-protectora-de-animais-de.html

*Entrevistas CURIOSIDADES LOURIÑA na Radio Municipal do Porriño

Entrevista a tres usuarios de Cogami Mos participantes no programa "O pisito" 12/01/12

Usuarios de Cogami no piso de Mos

Na Radio Municipal do Porriño mantémonos fieis a entrevistar os verdadeiros protagonistas da noticia. É por isto que esta vez convidamos a tres usuarios de Cogami (Confederación Galega de Persoas con Discapacidade) que forman, ou formaron parte no pasado, do programa "Escola do día a día" tamén coñecido como "O pisito". Trátase de que persoas con discapacidade aprendan a desenvolver tarefas do día a día e a gañar en autonomía da cara unha maior inserción social e laboral. Para conseguilo dispoñen dunha vivenda en Mos dous días á semana na que cociñan, limpan, distribúen as tarefas... e dúas terapeutas ocupacionais se encargan de supervisar o desenvolvemento das actividades.

Nós falamos con Rosa San Martín e Iván Pombo, dous usuarios que xa remataron a súa experiencia no programa, e tamén con Avelino Rojo, quen actualmente participa nesta iniciativa.

Podes escoitar a entrevista se clicas enriba do seguinte link:

http://www.archive.org/download/EntrevistaAUsuariosDeCogamiSobreOProgramaoPisitoRosaAveEIvn/EntrevistaAUsuariosPisitoCogamiMosRosaAveIvn12-01-12.mp3

Aquí podes escoitar unha entrevista anterior que lle fixemos a Ángel Holguera, presidente provincial de Cogami: 

http://siradioporrino.blogspot.com.es/2011/10/entrevista-ao-pregoeiro-das-festas-do.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista ao organizador da 6ª edición da Interrunning Piñeiro (Porriño) 04/01/12

Cartel do evento

Xa está aberto o prazo de inscrición para participar na 6ª edición da carreira popular "Interrunning Piñeiro" que se desenvolverá no casco urbano do Porriño o vindeiro día 26 de febreiro. Son 10 kilómetros de carreira nun terreo propicio para bater marcas e, ademais, o evento inclúe a Festa do Atleta con música, maxia e humor. 

 Se queres saber de que se trata e o que tes que facer para apuntarte, pincha o seguinte enlace e escoita a entrevista que lle fixemos ao organizador, Fredy Velasco: 
http://www.archive.org/download/EntrevistaInterrunningPieiroFredyVelasco04-01-12/EntrevistaInterrunningPieiroFredyVelasco04-01-12.mp3

Aquí podes escoitar unha entrevista posterior que lle fixemos ao vencedor da 6ª edición, Hassan Lekhili, uns días antes da competición:
http://siradioporrino.blogspot.com.es/2012/03/entevista-hassan-lekhili-vencedor-da-6.html

*Entrevistas DEPORTE LOCAL na Radio Municipal da Louriña

Entrevista á Concelleira de Benestar Social e Cultura do Porriño, Teresa Veloso 22/12/12

Teresa Veloso, á dereita de todo

Nesta ocasión, entrevistamos a edil de Cultura e Benestar Social do Porriño para poñernos ao día de tódalas iniciativas e programas que se están a desenvolver dende o seu departamento. Falamos con Teresa Veloso das actividades culturais para estas datas na Vila do Louro, do banco de alimentos SOS Porriño e doutros servizos que se están a prestar en materia de benestar como o Centro de Información á Muller ou outros destinados a familias e menores.

Preme o enlace para escoitar a entrevista e coñecer os detalles:

http://www.archive.org/download/EntrevistaConcelleiraBenestarSocialECulturaPorrioTeresaVeloso/EntrevistaConcelleiraBenestarSocialPorrioTeresaVeloso22-12.mp3

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas ALCALDES E CONCELLEIROS na Radio Municipal da Louriña

Entrevista ao presidente da Asociación Club Leones de Mos 20/12/12

A Asociación Club Leones leva arredor de dúas décadas en marcha ofrecendo servizos aos máis necesitados do Concello de Mos e na actualidade reparte alimentos e roupa a unhas 360 persoas.

En Si Radio Porriño entrevistamos o seu presidente, Manuel Martínez, para falar da campaña de recollida de alimentos típicos de Nadal que organizaron estes días en colaboración co Concello (grazas a cal repartiron 112 cestas de Nadal entre as familias con menos recursos do municipio), da longa traxectoria da asociación, de como se financian, quen pode participar ou solicitar os servizos... E outras cuestións que podes escoitar se clicas enriba do seguinte enlace:
http://www.archive.org/download/EntrevistaAoPresidenteDaAsociacinClubLeonesDeMosManuelMartnez/EntrevistaAoPresidenteDaAsociacinClubLeonesMosManuelMnez20-12-12.mp3

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Manuel Martínez, en segundo lugar pola esquerda

Entrevista a dous membros fundadores de Asodifisi Mos 24/11/11

Membros da directiva e usuarios de Asodifisi

A asociación de discapacitados físicos e psíquicos con sede en Mos, Asodifisi, celebra este sábado o seu 20º aniversario. É por isto que convidamos á radio a súa presidenta, Maruja Carrera, e a un dos fundadores, Antonio Martínez, para que nos contasen a historia desta asociación comarcal. Durante a conversa descubrimos que todo empezou de maneira case casual e, sobre todo, con moito esforzo por parte de pais e nais de nenos con discapacidade. Conseguiron moitos dos seus obxectivos, pero teñen outros novos e Maruja e Antonio non se cansan de loitar  polos seus dereitos e os dos seus familariares vinte anos despois de ter fundado Asodifisi.

Pincha o enlace de embaixo para escoitar a entrevista:

http://www.archive.org/download/EntrevistaAsodifisiMarujaEAntonio24-11-11/EntrevistaAsodifisiMarujaEAntonio24-11.mp3

Aquí podes escoitar unha entrevista posterior que lle fixemos a Maruja Carrera a Rodrigo Rodríguez (secretario) para falar da delicada situación económica que Asodifisi atravesa no 2012 e que pon en risco a sua existencia: 

http://siradioporrino.blogspot.com.es/2012/04/entrevista-dous-membros-da-directiva-de.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista a dous usuarios e á presidenta do centro de educación especial ACEESCA 02/11/11

Usuarios traballando nun taller

Usuarios do centro de educación especial ACEESCA foron os encargados de organizar o congreso de autoxestores de Galicia este sábado pasado. Os autoxestores son representantes de persoas con discapacidade que buscan, a través deste encontro, poñer puntos en común para logo trasladar as súas necesidades e peticións aos organismos pertinentes. O congreso celebrouse en Vigo e reuniu ata 150 autoxestores de toda Galicia para falar de temas como a discriminación, a saúde, a familia ou a pobreza entre outros.

Nós quixemos na nosa radio darlle voz aos autoxestores por iso convidamos a Juan Pereiro e a Sonia Martínez, dous dos nove organizadores do evento e tamén falamos coa presidenta de ACEESCA, Luz Fernández Grandal. Ademais de tratar o tema do congreso, preguntámoslle aos propios usuarios de ACEESCA cales son as súas necesidades e obxectivos e á presidenta sobre as novidades do centro.

Pincha o enalce para escoitar a entrevista:

http://www.archive.org/download/EntrevistaAceescaAutoxestores02-11-11/EntrevistaAceescaAutoxestores2-11.mp3

Aquí podes escoitar unha entrevista anterior que lle fixemos á xerente do centro, Ángeles Leirós, para falar de todas as actividades que se desenvolven en ACEESCA:
http://siradioporrino.blogspot.com.es/2011/10/entrevista-centro-aceesca-070911.html

*Entrevistas SOLIDARIEDADE E BENESTAR SOCIAL na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista á presidenta da asociación de discapacitados ADAPTA Condado-Paradanta 02/09/11

Colector de lixo adaptado para minusválidos

Subimos hoxe unha das entrevistas que fixemos a comezos de setembro. Neste caso falamos coa presidenta de ADAPTA, Montse Cuevas.  A asociación ADAPTA do Condado-Paradanta defínese como unha asociación sen ánimo de lucro que acolle a persoas con discapacidades físicas, psíquicas ou sensoriais de calquera zona. 


Foi creada no 2003 co fin de loitar contra as barreiras arquitectónicas e sociais, ademais de promover a autonomia persoal, a mellora da saúde, a formacion e a  integracion do colectivo. ADAPTA pertence á Confederación de Discapacitados de Galicia (Cogami). 


Clica no enlace de embaixo e escoita a entrevista na que falamos de todo isto e máis cousas:

http://www.archive.org/download/EntrevistaAdaptaPonteareas02-09-11/EntrevistaAdaptamontseCuevas02-09.mp3

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño

Entrevista ao presidente do Centro Social do Porriño, David González 17/10/11

O grupo de teatro Fontevella durante unha representación

O Centro Sociocomunitario do Porriño leva en activo máis dun cuarto de século ofrecendo alternativas de lecer a porriñeses e mosenses xubilados tales coma ximnasia, coral, masaxes, ioga, viaxes de imserso, clases de pandeireta, bailes ou outros servizos coma perruquería ou talleres de estimulación cognitiva. Pero tamén ten actividades para os máis pequenos, un exemplo, Prescolar na casa. Ademais, o centro é impulsor do grupo de teatro Fontevella. Na actualidade uns 2000 socios gozan desta variada oferta de actividades, as máis delas, gratuítas.

A entrevista que lle fixemos ao seu presidente, David González, na que falamos disto e moito máis podes escoitala se pinchas o seguinte enlace:

http://www.archive.org/download/EntrevistaCentroSocialDoPorrio17-10-11/EntrevistaCentroSocialDavid17-10.mp3

Neste outro enlace podes escoitar unha entrevista posterior que lle fixemos a Chelo Pampillón, directora do grupo de treatro Fontevella do Porriño:
http://siradioporrino.blogspot.com.es/search/label/Chelo%20Pampill%C3%B3n

*Entrevistas INSTALACIÓNS E SERVIZOS LOURIÑA na Radio Municipal do Porriño

*Entrevistas OCIO LOURIÑA na Radio Municipal do Porriño

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño

Entrevista á directora do Centro de Día do Porriño, Alexandra Ucha 11/10/11

Un momento da celebración do aniversario

Hai pouco máis dun ano que O Porriño conta cun centro de día dependente do Consorcio Galego de Servizos Igualdade e Benestar. O centro, situado en Torneiros, conta con corenta usuarios da Louriña e tamén de concellos doutras comarcas coma Ponteareas ou Salceda. O perfil deste usuario é o dunha muller de entre 75 e 85 anos cun nivel de dependencia moderado. Algunhas das actividades desenvoltas son: estimulación cognitiva, talleres de atención física, de autocoidado, lúdicos etc. Para coñecer a valoración do centro logo do seu aniversario e afondar noutros detalles entrevistamos a súa directora, Alexandra Ucha.

Só tes que cliclar no enlace de embaixo para poder escoitar a entrevista:

http://www.archive.org/download/EntrevistaCentroDeDaPorrio11-10-11/EntrevistaCentroDeDiaAlexandra11-10.mp3

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas INSTALACIÓNS E SERVIZOS LOURIÑA na Radio Municipal do Porriño
*Entrevistas SAÚDE LOURIÑA na Radio Municipal do Porriño