Entrevista á protectora de animais de Porriño sobre a polémica coa canceira de Meis 20/09/12

Instalacións da canceira de Meis (por Carlos Puga)

Manán, venres 21 de setembro ás 21.00h, trece protectoras e refuxios de animais da provincia convocan unha protesta diante do Pazo da Deputación de Pontevedra. O motivo: consideran que o ente público está a facer unha xestión inaxeitada da canceira de Meis. Denuncian que se pretende privatizar o servizo provocando que a canceira acabe por converterse nun lugar de sacrificio dos animais por falta de espazo xa que se busca cubrir todos os concellos da provincia que o desexen.

Baixo o nome de Plataforma contra o exterminio de cans, as protectoras piden que se faga o uso real para o que se creou a instalación, financiada principalmente con fondos da UE e pensada para dar servizo soamente a concellos da súa contorna. Os defensores dos animais aseguran tamén que a privatización da canceira fará que desaparezan as protectoras de Pontevedra e, por tanto, tamén o seu  labor de difusión de campañas de esterilización, contra o abandono, de concienciación, etc.

Nós falamos con Marta Penelas, da Asociación Protectora de Porriño e Mos (ASPAP), "la gestión por parte de una empresa privada convertirá la perrera en un lugar de limpieza y exterminio de los animales", foi unha das declaracións que nos deixou durante a entrevista.

Para escoitar a entrevista preme neste enlace:
http://archive.org/download/EntrevistaProtectoraAnimaisPorrioSobreCanceiraMeisDeputacion20-09-12/EntrevistaProtectoraAnimaisPorrioSobreCanceiraMeisDeputacion20-09-12.mp3

*Outras entrevistas sobre a PROTECTORA DE ANIMAIS DO PORRIÑO

*Entrevistas SOLIDARIEDADE E BENESTAR SOCIAL na Radio Municipal do Porriño

Entrevista á porriñesa Cristina Diz, adestradora de cans 31/01/12

Cristina con animais da protecotra

Cristina Diz, veciña do Porriño, é adestradora de cans e membro da Asociación Protectora de Animais de Porriño e Mos, ASPAP. Convidámola ao noso estudo de Torneiros para que nos falase da súa profesión e nos explicase en que consiste a técnica que emprega: o adestramento en positivo. Conversamos tamén sobre casos concretos cos que tratou, de curiosidades e de técnicas e consellos á hora de coidar un animal.

Por último, tamén abordamos o tema da protectora. Os seus membros acollen animais perdidos ou abandonados ata que atopan un novo fogar e á espera de que se constrúa por fin un refuxio na comarca.

Preme o seguinte enlace para escoitar a entrevista:

http://www.archive.org/download/EntrevistaACristinaDizAdestradoraDeCans31-01-12/EntrevistaAdestradoraDeCansCristinaDiz31-01-12.mp3

Neste outro podes escoitar a entrevista a Marta Penelas, tesoureira de ASPAP, na que nos conta todo o labor que desenvolven na protectora:
http://siradioporrino.blogspot.com/2011/10/entrevista-protectora-de-animais-de.html

*Entrevistas CURIOSIDADES LOURIÑA na Radio Municipal do Porriño

Entrevista á tesoureira da Protectora de Animais de Porriño e Mos (ASPAP) 31/08/11

Karpin, en adopción

Unha das entrevistas que máis lles interesou aos nosos oíntes foi a que lle fixemos a Marta Penelas, tesoureira da Protectora de Animais de Porriño e Mos, ASPAP.

Grazas a esta protectora formada por voluntarios, animais perdidos ou abandonados da comarca teñen un refuxio provisional á espera de atopar un novo fogar. Ademais, grazas  ao seu traballo desinteresado evitan que moitos destes animais acaben sacrificados, cousa que adoita ocorrer cando se avisa a unha empresa de recollida e o animal non ten chip que o identifique. A través desta protectora non só podes adoptar, senón tamén apadriñar. 

Podes escoitar a entrevista que lles fixemos a través do seguinte enlace, pincha:
http://www.archive.org/download/EntrevistaAspapProtectoraAnimaisPorrioEMos31-08/EntrevistaAspapmartaPenelas31-08.mp3

Neste outro enlace podes escoitar a entrevista que lle fixemos a Cristina Diz, tamén membro da protectora e adestradora de cans:

http://siradioporrino.blogspot.com/2012/02/entrevista-porrinesa-cristina-diz.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas CURIOSIDADES LOURIÑA na Radio Municipal do Porriño