Entrevista ao actor mosense Pablo Paz 31/07/12

Pablo Paz (dereita) xunto ao tamén actor Pablo Viña en Torneiros (Porriño)

Esta semana estivo no noso estudo o actor mosense Pablo Paz (Amar en tiempos revueltos, Yo soy Bea) que está por terras galegas para presentar a obra que produce e protagoniza Águilas en el jardín (todos os xoves e domingos de agosto na Sala Cristian de Samil en Vigo ás 21.30h). Falounos deste proxecto no que dá vida a seis personaxes diferentes que deben demostrar o seu valor á hora de enfrontarse a unha serie de retos en ton de comedia. Trae, ademais, como convidado especial ao temén actor Pablo Viña (Amar en tiempos revueltos, Agitación+iva). Podes consultar máis información sobre a obra que gozou de éxito durante dúas temporadas en Madrid premendo AQUÍ. 

Pablo Paz non só é actor, senón tamén productor e bailarín e incluso se atreve coa música. "Me hace especial ilusión actuar en Vigo, cerca de casa" díxonos durante a conversa. 

Falamos sobre Águilas en el jardín, todas as súas facetas e outras curiosidades na entrevista que podes escoitar se premes o seguinte enlace:

http://archive.org/download/EntrevistaActorMosensePabloPaz31-07-12/EntrevistaActorMosensePabloPaz31-07-12.mp3

*Entrevistas ARTISTAS LOCAIS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista ao humorista de Redondela Héctor Somoza 26/07/12

Somoza no noso estudo

Aínda que Héctor Somoza é de Redondela, viviu durante moitos anos no Porriño. Di que comezou a casa polo tellado na súa faceta como humorista porque contou chistes e bromas na televisión antes que nos bares. Dende 1986 ten participado en numerosos programas de televisión e radio e actuou tamén fóra de Galicia. Agora reclámano especialmente en festas e percorre Galicia cos seus espectáculos.

Nós entrevistámolo e, por suposto, deixamos que o humor fluise durante a conversa.  

"Cheguei a facer un monólogo de máis de 7 horas. Foi memorable", díxonos Somoza durante a entrevista. 

Preme no seguinte enlace para escoitar a entrevista:
http://archive.org/download/EntrevistaAoHumoristaDeRedondelaHectorSomoza26-07-12/EntrevistaAoHumoristaDeRedondelaHectorSomoza26-07-12.mp3

Nesta outra ligazón podes escoitar a entrevista que lle fixemos o ano pasado ao humorista de Salceda, Héctor Rodríguez:
http://siradioporrino.blogspot.com.es/2011/10/entrevista-ao-monologuista-de-salceda.html

*Entrevistas HUMOR LOURIÑA na Radio Municipal do Porriño
*Entrevistas CURIOSIDADES LOURIÑA na Radio Municipal do Porriño

Entrevista "Gala 25 aniversario Premios Circulo do Porriño" con María José Giráldez 06/07/12

Mª Jose Giráldez no noso estudo

O sábado pasado o Círculo Recreativo Cultural do Porriño acolleu unha gala especial con motivo do 25 aniversario dos seus premios que cada ano se outorgan a veciños (deporte, música, cultura, recordo, mención especial). Unhas 150 persoas, entre socios e premiados, asistiron o evento presentado por Icía Alcalde.

Este ano, os protagonistas foron os impulsores da idea: Modesto Giráldez Teijeira, quen presidía o Círculo daquela, e os irmáns Antonio e Eduardo Fernández Valverde, primeiro Premio Círculo á Cultura e primeiro presentador gala respectivamete. 

Un día antes do evento, recibimos no noso estudo á  actual presidenta do Círculo, María José Giráldez. Con ela non só conversamos dos premios, senón tamén da importancia do centro para o desenvolvemento cultural no municipio durante os seus máis de 55 anos de historia ou do número especial da Revista Acougo (emblema do Círculo alá polos '70) entre outros temas.

"No Círculo somos unha gran familia", díxonos María José Giráldez durante a entrevista.

Podes escoitar a entrevista premendo neste enlace:
http://archive.org/download/EntrevistaGala25AniversarioPremiosCirculoMariaJoseGiraldez06-07-12/EntrevistaGala25AniversarioPremiosCirculoMariaJoseGiraldez06-07-12.mp3

Aquí esta dispoñible outra entrevista feita ao ano pasado á Mª José Giráldez:
http://siradioporrino.blogspot.com.es/2011/10/entrevista-circulo-recreativo-cultural.html

*Entrevistas EVENTOS E FESTEXOS na Radio Municipal do Porriño
*Entrevistas OCIO LOURIÑA na Radio Municipal do Porriño 

Entrevista á escritora Clara do Roxo 29/05/12

Clara do Roxo

Aínda que a escritora Clara do Roxo reside actualmente en Vigo está moi vinculada á Louriña onde viviu durante anos. De feito, O Porriño é o escenario dalgún dos seus libros. Clara do Roxo escribe, sobre todo, relatos e recibiu diversos premios como o Cividade de Mos, o Manuel Murguía ou un accésit ao Pedrón de Ouro entre outros. O vernes pasado estivo na tenda infantil Tía Tata do Porriño para presentar a súa última obra titulada A princesiña que conducía unha locomotora, un libro infantil xa dispoñible nas librerías. 

Nós quixemos falar con ela deste libro, da súa traxectoria e dalgunha que outra curiosidade. 

Para escoitar a entrevista preme nesta ligazón: 

http://archive.org/download/EntrevistaEscritoraClaraDoRoxo29-05-12/EntrevistaEscritoraClaraDoRoxo29-05-12.mp3

*Entrevistas ARTISTAS LOCAIS na Radio Municipal do Porriño 

*Entrevistas VECIÑOS COÑECIDOS na Radio Municipal do Porriño  

Entrevista a Alfonso "Pato", director do Festival de Cans II (Porriño) 23/05/12

"Fábrica de cans" en Cans

E chegou o día. Hoxe arranca a IX edición do Festival de Cans que se prolongará ata o sábado 26. O certame é unha combinación de cine, música, diversión, unión veciñal, orixinalidade e agroglamour. Xa vimos falando desta cita imprescindible do Porriño en días anteriores e hoxe fixémolo emitindo a entrevista ao director Alfonso García "Pato". A conversa recuperámola do programa "Galicia Día a Día" que Gabino Porto conduce polas mañás en Si Radio. 

Preme este enlace para escoitar a entrevista:

http://archive.org/download/EntrevistaDeGabinoPortoAAlfonsoPatoSobreFestivalDeCans23-05-12/EntrevistaAlfonsoPatoFestivalDeCansg.porto23-05-12.mp3

Neste outro podes escoitar unha conversa anterior que mantivemos con "Pato" na que falamos das dificultades de financiamento polas que atravesou o certame este ano:

http://siradioporrino.blogspot.com.es/2011/12/entrevista-alfonso-pato-director-do.html

Aquí está dispoñible unha entrevista recente a Paco Candán, o artesán que elabora os cans de pedra:

http://siradioporrino.blogspot.com.es/2012/05/entrevista-ao-escultor-porrines-paco.html

E aquí a tres veciños que colaboran activamente no Festival (Xosé Quintas, Tante e Rafa González):

http://siradioporrino.blogspot.com.es/2012/05/entrevista-aos-vecinos-xose-quintas.html

Entrevista ao artesán porriñés Paco Candán. Festival de Cans 10/05/12

Paco no noso estudo

Pronto poderemos asistir á IX edición do Festival de Cans no Porriño (23-26 maio) e para ir abrindo boca queremos falar con algúns dos protagonistas que fan posible este evento. Nesta ocasión convidamos ao noso estudo a Paco Candán. El é o encargado de crear os cans e as estrelas en pedra que levan os premiados. Este artesán de Cans colabora no festival dende a primeira edición e  foi premiado no certame co chimpín de prata. 

Paco Candán leva 25 anos traballando a pedra e durante a entrevista, ademais de falar sobre a súa achega a Cans, tamén conversamos sobre a súa traxectoria facendo algunha que outra reflexión sobre a crise. 

A entrevista xa está dispoñible neste enlace:
http://archive.org/download/EntrevistaAoEscultorDeCans-porrioPacoCandan10-05-12/EntrevistaEscultorFestivalCansPacoCandan10-05-12.mp3

*Entrevistas ARTISTAS LOCAIS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño 

Entrevista ao escultor tudense Raimundo Martínez "Rai" 02/05/12

Raimundo Martínez, máis coñecido como "Rai", é un escultor tudense da parroquia de Malvas. Xa dende a súa mocidade estivo vinculado á pedra e traballou en numerosas canteiras dentro e fóra de Galicia. Os seus 72 anos segue esculpindo granito Rosa Porriño, Verde Santiago e Negro Galicia ademais de facer figuras con cantos rodados. Na súa casa ten centenas de esculturas que van dende os 7,5 m de alto a tan só 20 cm. Actualmente pódese visitar unha exposición súa no Centro Cultural Municipal do Porriño composta por 31 pezas ata o 11 de maio. No entanto, "Rai" convida a todos os interesados a visitar a súa ampla colección na súa vivenda de Tui. Tanto aprecia o seu traballo que mesmo escribe poesías nas que relata o seu amor á pedra.

Preme o seguinte enlace para escoitar a entrevista:
http://archive.org/download/EntrevistaAoEscultorTudenseRaimundoMartinezRai02-05-12/EntrevistaEscultorTudenseRai02-05-12.mp3

*Entrevistas ARTISTAS LOCAIS na Radio Municipal do Porriño

Entrevista á cantante mosense Uxía 27/04/12

Portada do útimo álbum de Uxía "Meu canto"

Uxía leva 25 anos na música usando o seu precioso instrumento, a súa voz, para cantar temas inéditos e versións facendo grandes achegas á música galega e portuguesa. No seu útlimo traballo, "Meu canto", o fundamental é a presenza da voz e do sentimento. O Bar Liceum do Porriño foi o escenario onde o pasado venres Uxía presentou este novo disco acompañada por varios músicos e amigos. 

Na entrevista que mantivemos coa cantante mosense falamos da súa traxectoria, do seu útlimo traballo e do seu ben máis preciado: a súa voz. 

Podes escoitala premendo neste enlace: 

http://archive.org/download/EntrevistaACantanteUxiaSenlle27-04-12/EntrevistaCantanteUxiaSenlle27-04-12.mp3

*Entrevistas MÚSICA LOCAL na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista ao porriñés Guillermo Rodríguez Alonso, ex deportista fundador do Club SPOL 03/04/12

Guillermo, na dereita, acompañado polo alcade do Porriño e a alcadesa de Fuengirola

O porriñés Guillermo Rodríguez Alonso, aos seus 77 anos, vén de ser nomeado Fillo Adoptivo de Fuengirola polo seu labor deportivo e empresarial neste municipio da Costa do Sol. A súa historia no mundo do deporte remóntase á súa xuventude no Porriño onde fundou un equipo de fútbol e o mesmo aconteceu cando emigrou a Venezuela. Xa a súa volta fundou, de xeito anecdótico, un club de grande relevancia no Porriño: o Club Ciclista Spol de onde saíron figuras como Álvaro Pino. Cando se instalou en Fuengirola por motivos de saúde dos seus fillos seguiu relacionado co deporte levando adiante o polideportivo do municipio onde se formaron uns 600 nenos. Co paso do tempo centrouse na súa faceta como empresario no sector inmobiliario superando ata tres crises económicas.

Para escoitar a entrevista pincha neste enlace:

http://archive.org/download/EntrevistaAoPorrisGuillermoRodriguezAlonsoDeportistaFundadorClub/EntrevistaPorriesGuillermoRodriguezAlonsoDeportistaFundadorSpolEEmpresario03-04-12.mp3

*Entrevistas CURIOSIDADES LOURIÑA na Radio Municipal do Porriño
*Entrevistas HISTORIA LOURIÑA na Radio Municipal do Porriño
*Entrevistas DEPORTE LOCAL na Radio Municipal do Porriño

Entrevista a Maxi Adega, veciño do Porriño capaz de imitar voces de famosos 05/03/12

Maxi Adega reside dende hai moitos anos no Porriño aínda que é natural do Concello das Pontes de García Rodríguez. Foi o encargado de dar recentemente o pregón das Festas de San Rosendo de Torneiros porque ten unha serie de facetas que casan moito co humor que se require para este tipo de actos. Concretamente, Maxi é un grande afeccionado dos disfraces, pero sobre todo ten grandes dotes para imitar voces.

Maxi Adega no noso estudo

Dende ben pequeno Maxi imitaba os compañeiros de clase ou profesores o que lle ocasionou máis dalgún problema na escola. Co paso dos anos foi adquirindo un variado repertorio de voces de famosos e é quen de imitar á Duquesa de Alba, ao Rey Juan Carlos, a Torrente, a Fraga, a Mourinho ou a Punset entre outros personaxes coñecidos. Por suposto, durante a entrevista que lle fixemos non perdémola oportunidade de pedirlle a este particular Latre da Louriña que nos fixese unhas cantas imitacións.

Para escoitar a conversa só tes que premer enriba deste enlace:

http://www.archive.org/download/EntrevistaAMaxiAdegaImitadorDeVoces05-03-12/EntrevistaAMaxiAdegaimitadorDeVoces05-03-12.mp3

*Entrevistas HUMOR LOURIÑA na Radio Municipal do Porriño
*Entrevistas CURIOSIDADES LOURIÑA na Radio Municipal do Porriño

Entrevista a Cuquín, veciño do Porriño célebre polos seus disfraces 22/02/12

Este ano Cuquín disfrazouse de bebé

Cando se fala do entroido porriñés hai unha figura que non pode faltar: Cuquín. Joaquín Diz Tato é un veciño xa célebre no municipio por diversas razóns, pero fundamentalmente pola súa afección a disfrazarse. Dende hai moitos anos pasea polas rúas do Porriño os disfraces máis orixinais que pasaron pola súa mente: ultrasur, decapitado, ministro de camiños, facendo o pino, moro vendendo restos do muro de Berlín e un longo etcétera. Tamén ten baixado da Risca usando a taza dun váter ou un foguete a xeito de carro de bolas. A súa paixón polo entroido vai máis alá das datas marcadas no calendario e tamén se disfraza no verán en Praia América. Cuquín traballou no Concello durante 50 anos e un día e tamén e coñecido pola súa animadversión ao Barça. 

Contounos moitas anécdotas e curiosidades que podes escoitar se pinchas o seguinte enlace:

 http://www.archive.org/download/EntrevistaAoVecioDePorrioCuquin22-02-12/EntrevistaJoaqunDizTatoCuquin22-02-12.mp3

*Entrevistas CURIOSIDADES LOURIÑA na Radio Municipal do Porriño

*Entrevistas VECIÑOS COÑECIDOS na Radio Municipal do Porriño
*Entrevistas HUMOR LOURIÑA na Radio Municipal do Porriño

Entrevista a Javier Baquero Rotea, estudoso da historia da Louriña 09/02/12

Sempre é un pracer na Radio Municipal do Porriño contar con veciños da Louriña que nos achegan información, datos e curiosidades sobre a comarca e así dala a coñecer mellor a través das nosas ondas. É por isto que convidamos ao noso estudo de Torneiros a Javier Baquero Rotea, veciño de Mos e autor de Datos históricos del ayer y hoy de Mos I, II. Dende moi novo Javier interesouse pola historia do municipio a través do seu pai e dende entón desenvolveu un incansable labor de documentación e racapitulación sobre a súa historia e veciños.

Javier Baquero Rotea

Na nosa entrevista descubrimos algunhas pinceladas de toda esta investigación e tamén algunhas anécdotas. Falamos de temas como a aldea recuperada da Alfacuca, a escultura antiquísima do deus Xano atopada en Mos, da bandeira do municipio e da consideración do Concello como Vila entre outros temas.

Se queres exactamente o que nos contou só tes que pinchar enriba deste enlace:

http://www.archive.org/download/EntrevistaAJavierBaqueroRoteaAutorDatosHistricosDeMos02-02-12/EntrevistaJavierBaqueroRotea08-02-12.mp3

*Entrevistas VECIÑOS COÑECIDOS na Radio Municipal do Porriño

*Entrevistas HISTORIA LOURIÑA na Radio Municipal do Porriño

*Entrevistas CURIOSIDADES LOURIÑA na Radio Municipal do Porriño

Entrevista ao músico, escritor, pintor e político porriñés Quico Paz Antón 03/01/12

Paz Antón

Esta vez convidamos ao noso estudo a un porriñés cunha grande bagaxe profesional. Trátase de Quico Paz Antón, quen formou parte do grupo Na Lúa e é autor de diversos libros sobre a historia da comarca da Louriña e a súa contorna. Ademais, tamén é pintor e foi parlamentario do BNG. Nós entrevistámolo co gallo da publicación da súa última obra, Salceda en Festa. Historia das bandas de música en Salceda, e aproveitamos para afondar en tódalas súas facetas e falar tamén da Vila do Louro.

Pincha o seguinte enlace para escoitar a entrevista:

 http://www.archive.org/download/EntrevistaQuicoPazAntn03-01-12/EntrevistaQuicoPazAntn03-01-12.mp3

*Entrevistas ARTISTAS LOCAIS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista a Alfonso "Pato", director do Festival de Cans 02/12/12

Alfonso García  "Pato"

A Asociación Cultural de Arela, organizadora do Festival de Cans, vén de recibir o Premio Provincial de Cultura no apartado de innovación dotado con 6.000 euros. Por esta razón falamos co director do festival, o porriñés Alfonso García "Pato", para coñecer as súas impresións a este respecto e para falar tamén das dificultades económicas que está a atravesar o certame e que poñen en perigo a súa continuidade. 

Tamén lle preguntamos a "Pato" que momentos destacaría do festival e un desexo para o mesmo. Collémolo nun momento de certo apuro, pero atendeunos igualmente.

Pincha o seguinte enlace e escoita a conversa:

http://www.archive.org/download/EntrevistaAoDirectorDoFestivalDeCansAlfonsoPato02-12-12/EntrevistaFestivalDeCansAlfonsoPato02-12.mp3

*Entrevistas EVENTOS E FESTEXOS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista ao mosense Mago Marco 29/11/11

O Mago Marco

Maxia, ilusión, solidariedade... isto e moito máis reúne o Mago Marco, nado en Portugal pero afincando en Mos dende hai moitos anos. Esta semana convidamos ao noso estudo a Marco, a persoa que se converte en mago cando sobe a un escenario. Durante a conversa contounos por que se interesou polo mundo da maxia, cales son os seus magos de referencia, se pode vivir da súa faceta artística, que fai cando un truco sae mal, a súa  actividade solidaria... e moitas cousas máis que podes escoitar na entrevista se pinchas o seguinte enlace: 

http://www.archive.org/download/EntrevistaAoMagoMarco29-11-11/EntrevistaMagoMarco29-11-11.mp3

*Entrevistas ARTISTAS LOCAIS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista ao presidente do Club Ciclista Spol NCG, Horacio Barros 09/11/11

Horacio Barros

Na Radio Municipal do Porriño buscamos darlle un espazo destacado nas nosas entrevistas ao deporte local. Neste caso falamos de ciclismo que conta cunha importante tradición no Porriño e facémolo da man de Horacio Barros, presidente do Club Ciclista Spol NCG. Na entrevista tratamos tódolos detalles do Club (historia, categorías, estrelas...), temas como a dopaxe, a traxectoria profesional de Horacio e anédotas ou as vindeiras citas deportivas do Club. 



Preme o  seguinte enlace para escoitar a conversa:
http://www.archive.org/download/EntrevistaClubCiclistaSpolNcgHoracioBarros09-11-11/EntrevistaClubSpolHoracioBarros09-11-11.mp3

*Entrevistas DEPORTE LOCAL na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista ao artista plástico mosense Marcos Escudero 20/10/11

Marcos debuxando en area na gala de Mos Solidario

Marcos Escudero é un artista plástico mosense que, entre outras cousas, fai debuxos en area (sand drowing) e esculpe cantos rodados. Puxo en práctica o sand drowing en dúas ocasións e nos dous casos para colaborar nas galas de Mos Solidario. En canto a súa faceta como escultor, podemos ver obras súas repartidas por todo Mos como é o caso do Monumento en lembranza ás vítimas do 36 ou o aproveitamento que fixo das pedras do Muiño Valente para escribir Mos coas rochas. Recentemente, ingaurou o Gaiteiro de Soutelo en Forcarei.

Pero o seu selo persoal son os pelouros, cantos rodados que lle suxestionan formas e que el talla para remarcalas. De feito, algúns destes pelouros viaxarán pronto a Nova York para formar parte dunha exposición con obras doutros escultores galegos.

Se queres sabelo todo sobre este artista pincha o seguinte enlace e escoita a entrevista:

http://www.archive.org/download/EntrevistaMarcoEscudero20-11-11/EntrevistaMarcosEscudero20-11.mp3

Nesta ligazón podes escoitar a entrevista a membros de Mos Solidario sobre a gala: 

http://www.archive.org/download/EntrevistaMosSolidariomarcosEAuri04-10-11/EntrevistaMosSolidariomarcosEAuri04-10.mp3

Neste outro enlace está dispoñible a entrevista ao Mago Marco, impulsor de Mos Solidario e a quen Marcos Escudero dedicou os debuxos en area:
http://siradioporrino.blogspot.com/2011/12/entrevista-ao-mago-marco-291111.html

Aquí podes escoitar unha entrevista ao tamén artista plástico de Mos, David Debén quen formou parte do colectivo A Carroucha xunto con Marcos Escudero e Severiano Lago:

http://siradioporrino.blogspot.com.es/2012/02/entrevista-ao-artista-plastico-mosense.html

*Entrevistas ARTISTAS LOCAIS na Radio Municipal do Porriño

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño