Entrevista á empresa porriñesa TCR Datos Norte, candidata a conometrar o Mundial de Rallyes 27/09/12

Fidel, de TCR Datos, na esquerda

Fidel Iglesias, administrador da empresa porriñesa TCR Datos Norte, estivo no noso estudo para contarnos o reto ao que se enfrontan se a FIA (Federación Internacional de Automovilismo) elixe a súa candidatura para participar no vindeiro Campionato Mundial de Rallyes. O obxectivo desta empresa é levar a cabo a conometraxe e localización GPS durante a proba que se celebrará a comezos do ano que vén en varios continentes.

No caso de que TCR Datos Nortes saíse elixida para estas tarefas, trataríase doutra empresa instalada no Porriño que fai coñecido o nome do municipio no estranxeiro.

"É unha grande responsabilidade porque a conometraxe determina quen gaña... Temos que usar un sistema fiable e moi rápido", díxonos Fidel durante a entrevista.

Preme neste enlace para escoitar a entrevista:
http://archive.org/download/EntrevistaFidelIglesiasTcrDatosNorte27-09-12/EntrevistaFidelIglesiasTcrDatosNorte27-09-12.mp3

*Entrevistas COMERCIO E INDUSTRIA LOURIÑA na Radio Municipal do Porriño

Entrevista a David Sobral, xerente da Asociación de Empresarios do Porriño 19/07/12

David Sobral

Quixemos dar voz aos empresarios do Porriño porque, sendo a Vila do Louro un municipio industrial, teñen moito que contar. Falamos con David Sobral, xerente da Asociación de Empresarios do Porriño que aúna a unhas 50 empresas, sobre todo do Polígono das Gándaras e da Granxa.
Contounos como está afectar a crise aos empresarios asentados en solo porriñés, que papel xogan os polígonos á hora de reactivar a economía, que peticións e necesidades teñen os empresarios do municipio, que opinión teñen respecto das políticas de emprego do goberno local ou como traballan para evitar máis danos no escosistema que forman as Gándaras de Budiño e as súas lagoas. 

"Porriño, a diferenza doutros concellos da área, está nunha mellor posición para dar resposta á crise debido ao seu tecido producivo, a un maior nivel de internacionalización e á excelencia empresarial", foi unha das declaracións que nos deixou David Sobral durante a entrevista.

Para escoitar a conversar preme neste enlace:
http://archive.org/download/EntrevistaADavidSobralXerenteDaAsociacionEmpresariosPorrio19-07-12/EntrevistaADavidSobralXerenteDaAsociacionEmpresariosPorrio19-07-12.mp3

*Entrevistas EMPREGO LOURIÑA na Radio Municipal do Porriño 

*Entrevistas TEMAS POLÉMICOS na Radio Municipal do Porriño

*Entrevistas COMERCIO E INDUSTRIA LOURIÑA na Radio Municipal do Porriño

Entrevista á edil de Prazas e Mercados do Porriño sobre praceiros e venda ambulante 07/06/12

Falamos con María José Martínez, concelleira de Prazas e Mercados do Porriño, sobre a actualidade municipal relacionada con este departamento. Recentemente, a edil estivo reunida cos praceiros do Porriño e tamén con técnicos de comercio da Deputación de Pontevedra e membros da Federación de Prazas de Abastos de Galicia para propoñer aos vendedores crear unha asociación. Ademais, tamén lle preguntamos sobre os encontros que se están a manter con outros 12 concellos da zona para unificar criterios á hora de aplicar unha ordenanza común de venda ambulante. 

A edil (na esquerda) durante o encontro

Podes escoitar a entrevista premendo neste enlace:

http://archive.org/download/EntrevistaEdilPrazasEMercadosMariaJoseMnezasociacionPraceiros/EntrevistaEdilPrazasEMercadosPorrioMariaJoseMnezasociacionPraceiros07-06-12.mp3

Aquí podes escoitar outras entrevistas feitas con anterioridade á concelleira María José Martínez:
http://siradioporrino.blogspot.com.es/search/label/Concelleira%20Prazas%20e%20Mercados

*Entrevistas COMERCIO E INDUSTRIA LOURIÑA na Radio Municipal do Porriño
*Entrevistas ALCALDES E CONCELLEIROS na Radio Municipal da Louriña 

Entrevista ao alcalde do Porriño, Nelson Santos, sobre actualidade municipal 12/06/12

Nelson Santos

Falamos co alcalde do Porriño, Nelson Santos, sobre varios temas ligados á actualidade municipal e outras cuestións.

Afondamos en aspectos como o emprego, os importantes ivestimentos que están a realizar as grandes empresas instaladas no municipio, o consorcio para a xestión da auga do Louro, a Lei da Área Metropolitana de Vigo, etc.

Podes escoitar a entrevista premendo neste enlace:
http://archive.org/download/EntrevistaNelsonSantosActualidadeMunicipal12-06-12/EntrevistaNelsonSantosActualidadeMunicipal12-06-12.mp3

*Entrevistas ALCALDES E CONCELLEIROS na Radio Municipal da Louriña

Entrevista á alcaldesa de Mos, Nidia Arévalo, sobre o polígono industrial da Veigadaña 09/05/12

Arévalo e Feijóo na Veigadaña (A.Hernández)

O polígono industrial da Veigadaña (Mos) foi inaugurado de xeito oficial recentemente polo presidente da Xunta, Alberto Núñez Feijóo. Trátase dunha infraestrutura na que se investiron uns 50 millóns de euros en 800.000m2 para crear 77 parcelas. Dous tercios destes terreos  están vendidos e xa hai empresas funcionando con normalidade. Nós quixemos falar coa alcaldesa de Mos, Nidia Arévalo, para que nos falase dos detalles da infraestructura, atrancos, logros e críticas da oposición. 

A entrevista está dsipoñible premendo neste enlace:

http://archive.org/download/EntrevistaPoligonoVeigadaaAlcaldesaMosNidiaArevalo09-05-12_905/EntrevistaPoligonoVeigadaaNidiaArevalo09-05-12.mp3

*Entrevistas COMERCIO E INDUSTRIA LOURIÑA na Radio Municipal do Porriño

Entrevista á empresa mosense Little Cars, pioneira en coches eléctricos 100% españois 15/02/12

Rubén Blanco diante dun dos modelos

Little Cars, empresa de Mos, é pioneira na fabricación de coches 100% eléctricos construídos na súa totalidade en España. De momento, traballa por encargo vendendo dous modelos pensados para o uso urbano: un de estilo vintage e outro destinado ao reparto cuxos prezos oscilan entre 13.000 e 24.000 euros. No entanto, hai axudas estatais que facilitan descontos do 25% (do 50% no caso de flotas de 10 ou máis vehículos).

A autonomía do coche ronda os 100km, distancia na que consume menos dun euro e cárgase nun enchufe tradicional en 6 horas. Este vehículo ecolóxico acada unha velocidade limitada de 45km/h e está libre de taxas de circulación e do pagamento na zona azul. Nós falamos con Rubén Blanco, xerente de Little Cars, para coñecer os detalles.


Escoita a entrevista premendo no seguinte enlace:

http://www.archive.org/download/EntrevistaRubenBlancoXerenteLittleCarsMos15-02-12/EntrevistaRubenBlancoXerenteLittleCarsMos15-02-12.mp3

*Entrevistas COMERCIO E INDUSTRIA LOURIÑA na Radio Municipal do Porriño

Entrevista á Concelleira de Prazas e Mercados do Porriño, María José Martínez 14/12/12

Mª José Martínez, na esquerda

Nesta ocasión convidamos ao noso estudo a Concelleira de Prazas e Mercados do Porriño, María José Martínez, para falar do encontro que mantivo con edís de outros concellos da zona do sur de Pontevedra para unificar posturas respecto da venda ambulante. Aproveitamos a ocasión para preguntarlle sobre o confllicto existente entre o Concello e o colectivo xitano respecto do mercadiño. Falamos ademais sobre outros temas relacionados coa praza de abastos de interese tanto coma para praceiros coma para usuarios.

Preme o seguinte enlace para escoitar a entrevista:
http://www.archive.org/download/EntrevistaConcelleiraDePrazasEMercadosDoPorrioMariaJose/EntrevistaConcelleiraDePrazasEMercadosPorrioMJoseMnez14-12.mp3

Neste outro podes escoitar o debate que fixemos o pasado mes de novembro na nosa emisora co coordinador de mercadiños da Asociación de Venda Ambulante do Pobo Xitano, Mario Semeniz, e a Concelleira de Prazas e Mercados, María José Martínez:
http://www.archive.org/download/DebateMercadioPorrio08-11-11/DebateMercadioPorrioConcelleiraECoordinadorMercadios08-11-11.mp3

*Entrevistas COMERCIO E INDUSTRIA LOURIÑA na Radio Municipal do Porriño

*Entrevistas TEMAS POLÉMICOS na Radio Municipal do Porriño

*Entrevistas ALCALDES E CONCELLEIROS na Radio Municipal da Louriña

Entrevista ao xerente de Aemos sobre o foro de emprego Insere en Mos 13/12/12

Mañá día 15 terá lugar, no Multiusos das Pozas de Mos, o foro de emprego Insere 3.0 organizado pola Asociación de Empresarios de Mos (Aemos), o Concello, a Federación Galega de Parques Empresariais, a Xunta de Galicia e a Deputación de Pontevedra. Trátase dunha iniciativa que busca poñer en contacto empresas, profesionais do mundo laboral e persoas interesadas en calquera ámbito do mercado de traballo. Un encontro dedicado á reflexión conxunta, ao intercambio de opinións e á orientación laboral. 

Nós entrevistamos ao xerente de Aemos, Francisco Domínguez, para afondar nos detalles deste foro e aproveitameos para preguntarlle tamén sobre o Polígono da Veigadaña, o apoio de Aemos aos emprendedores ou a súa opinión como empresario sobre a crise.

Só tes que premer o enlace para escoitar a entrevista:

http://www.archive.org/download/EntrevistaForoInsereAoXerenteDeAemosFranciscoDomnguez13-12-12/EntrevistaAemosForoInsereFranciscoDomnguez13-12.mp3

*Entrevistas EMPREGO LOURIÑA da Radio Municipal do Porriño
*Entrevistas COMERCIO E INDUSTRIA LOURIÑA na Radio Municipal do Porriño

Debate mercadiño do Porriño 08/11/11

Mercadiño do Porriño

O mercadiño do Porriño está sendo actualidade nos últimos tempos por diversos motivos. O último está relacionado coa aplicación da ordenanza municipal que regula os postos de venda ambulante. O colectivo xitano móstrase desconforme porque asegura que non se está a respectar unha lista feita hai dous anos en común acordo entre o anterior goberno local e tódolos comerciantes. Por outra banda, dende o Concello afirman que esta agrupación de vendedores non entregou a documentación necesaria para proceder á aplicación da lei e que está a poñer numerosas trabas nas xestións.

É por isto que propuxemos un pequeno debate no noso estudo onte entre o Coordinador de Mercadiños da Asociación de Venda Ambulante do Pobo Xitano, Mario Semeniz, e a concelleira de Prazas e Mercados, María José Martínez.

Podes escoitalo se premes o seguinte link:
http://www.archive.org/download/DebateMercadioPorrio08-11-11/DebateMercadioPorrioConcelleiraECoordinadorMercadios08-11-11.mp3

Aquí podes escoitar unha entrevista posterior á concelleira de Prazas e Mercados, María José Martínez:
http://siradioporrino.blogspot.com.es/2011/12/entrevista-concelleira-de-prazas-e.html

*Entrevistas TEMAS POLÉMICOS na Radio Municipal do Porriño

*Entrevistas COMERCIO E INDUSTRIA LOURIÑA na Radio Municipal do Porriño

Entrevista á directora da empresa de traballo temporal Randstad do Porriño 28/10/11

Randstad está na Avda. de Galicia, 31

A semana pasada entrevistamos a Maruxa Mantecón, directora da oficina da empresa de traballo temporal (ETT) Randstad no Porriño. Dende 2007 esta ETT dedícase a xestionar postos de traballo e persoal no Porriño e outros concellos  da contorna como Mos, Salceda ou Tui.
Durante a entrevista falamos dos perfís máis solicitados no Porriño e os máis difíciles de encaixar e tamén de como unha ETT pode ser un trampolín de cara a consolidarse nunha empresa. Ademáis, Maruxa Mantecón foi unha das ponentes no Feirón Porremprego.

Se queres coñecer os detalles da entrevista clica no seguinte enlace:

http://www.archive.org/download/EntrevistaDirectoraDeRandstadPorrio26-10-11/EntrevistaRandstadMaruxa26-10.mp3

Aquí podes escoitar a entrevista que lle fixemos a outro dos ponentes do Feirón, Pablo Valverde do centro tecnolóxico Aimen de Torneiros: 

http://siradioporrino.blogspot.com.es/2011/10/entrevista-aimen-261011.html

E nesta ligazón podes escoitar a entrevista que lle fixemos a Alejandro Lorenzo, edil de emprego e formación do Porriño, para falar dos detalles do Feirón: 

http://siradioporrino.blogspot.com.es/2011/10/entrevista-1-feiron-porremprego-do.html

*Entrevistas EMPREGO E FORMACIÓN LOURIÑA na Radio Municipal do Porriño

Entrevista ao delegado comercial do centro tecnolóxico AIMEN de Torneiros 26/10/11

O Centro Tecnolóxico AIMEN ten a súa sede en Torneiros

Subimos hoxe unha entrevista moi recente. Trátase da que lle fixemos ao delegado comercial da zona sur do centro tecnolóxico AIMEN, Pablo Valverde. El foi un dos ponentes hoxe no 1º Feirón Porremprego e nós aproveitamos para falar da súa ponencia, pero sobre todo para falar de AIMEN. Se escoitas a nosa entrevista poderás saber exactamente que fan, por que se instalaron no Porriño, como lles está a afectar a crise, que tipo de empregados buscan e en que consiste o Centro de Aplicacións Láser que inagurarán proximamente e que será, con moito, o máis importante e grande de España.

Unha empresa que leva o Porriño á vangarda no referente ao I+D+I e que podes coñecer mellor clicando no seguinte enlace:

http://www.archive.org/download/EntrevistaAimen26-10-11/EntrevistaAimenPablo26-10.mp3

Nesta outra ligazón está dispoñible a entrevista á directora da oficina de traballo temporal Ranstad do Porriño, Maruxa Mantecón, quen tamén foi ponente:
http://siradioporrino.blogspot.com.es/2011/11/entrevista-ett-randstad-do-porrino.html

E aquí podes escoitar a entrevista que lle fixemos a Alejandro Lorenzo, edil de emprego e formación do Porriño, para falar dos detalles do Feirón: 

http://siradioporrino.blogspot.com.es/2011/10/entrevista-1-feiron-porremprego-do.html

*Entrevistas EMPREGO E FORMACIÓN LOURIÑA na Radio Municipal do Porriño
*Entrevistas COMERCIO E INDUSTRIA LOURIÑA na Radio Municipal do Porriño

Entrevista ao Concelleiro de Canteiras do Porriño, Carlos Martínez 16/09/11

Carlos Martínez en primeiro plano

Na Radio Municipal do Porriño quixemos afondar nun tema moi importante e característico da Vila do Louro: as canteiras. Falamos co Concelleiro de Canteiras, Carlos Martínez, que dende xuño está a traballar para legalizar as explotacións. Entre outras cousas contounos que están todas en situación ilegal e só unhas poucas se manteñen activas. Por isto dende o Concello queren tomar medidas para a reactivación do sector baixando o canon do arrendamento ou falicitando os pagos da débeda.




Se queres ecoitar todo o que nos dixo clica no enlace:

http://www.archive.org/download/EntrevistaCanteirasPorrio16-09/EntrevistaCanteiras-clstercarlosMartnez16-09.mp3

Aquí podes escoitar unha entrevista posterior que lle fixemos ao edil sobre o novo prego de condicións para a explotación e uso de canteiras aprobado no pleno en maio do 2012:

http://siradioporrino.blogspot.com.es/2012/05/entrevista-carlos-martinez-sobre-novas.html

Aquí está dispoñible a que lle fixemos á Comunidade de Montes de Atios no 2012:

http://siradioporrino.blogspot.com.es/2012/04/entrevista-ao-vicepresidente-da.html

E nesta outra ligazón podes escoitar a conversa que mantivemos coa Comunidade de Montes de Budiño tamén no 2012:
http://siradioporrino.blogspot.com.es/2012/04/entrevista-dous-membros-da-directiva-da.html

*Entrevistas TEMAS POLÉMICOS LOURIÑA na Radio Municipal do Porriño

Entrevista ao pregoeiro da Festa dos Callos, Esteban Rodríguez de CZ Veterinaria e Biofabri 30/09/11

Esteban Rodríguez, na dereita

O pregoeiro da Festa dos Callos do Porriño foi este ano Esteban Rodríguez, conselleiro delegado de CZ Veterinaria e Biofabri.

Esteban Rodríguez viu ata o noso estudo de Torneiros onde o entrevistamos antes de que dese o seu pregón. Por suposto falounos dos callos, pero  tamén das súas empresas que son punteiras en investigación e innovación, especialmente no que se refire á elaboración de vacinas. De feito, en Biofabri estase a traballar nunha vacina contra a tuberculose en colaboración coa Universidade de Zaragoza. Será a primeira vacina profiláctica contra esta enfermidade para humanos desenvolta e fabricada por completo en España e a comezos do ano que vén comezarán cos ensaios en persoas. Ademais disto, Esteban Rodríguez contounos moitas outras cousas interesantes.

Só tes que pinchar o seguinte enlace para poder escoitar a entrevista:

http://www.archive.org/download/EntrevistaEstebanRguezPregoeiroFestaCallosPorro30-09-11/EntrevistaEstebanRodrguezPregoeiroCallos30-09.mp3

Nesta outra ligazón podes escoitar a entrevista ao pregoeiro das Festas do Cristo 2011, Ángel Holguera, presidente provincial do Cogami:
http://siradioporrino.blogspot.com/2011/10/entrevista-ao-pregoeiro-das-festas-do.html

*Entrevsitas EVENTOS E FESTEXOS LOURIÑA na Radio Municipal do Porriño
*Entrevistas COMERCIO E INDUSTRIA LOURIÑA na Radio Municipal do Porriño