Entrevista ao secretario da Comunidade de Montes de Torneiros, Lucho Carrera 16/04/12

Lucho Carrera

Despois de falar coas comunidades de montes de Atios e Budiño é a quenda de Torneiros. Convidamos ao noso estudo a Lucho Carrera, o secretario, para falar das irregularidades na xunta directiva denunciadas hai uns anos, das expropiacións forzosas e de problemas coa titulariedade dos terreos entre outras cuestións. Tamén conversamos sobre os dous novos proxectos que a Comunidade de Montes Veciñais en Man Común de Torneiros quere poñer en marcha xa este ano na parroquia: unha gardería e un centro de día.

Preme o seguinte enlace para escoitar a entrevista:
http://archive.org/download/EntrevistaAoSecretarioDaComunidadeMontesTorneirosLuchoCarrera16-04-12/EntrevistaSecreatarioComunidadeMontesTorneirosLuchoCarrera16-04-12.mp3

Aquí podes escoitar a entrevista á Comunidade de Montes de Atios:
http://siradioporrino.blogspot.com.es/2012/04/entrevista-ao-vicepresidente-da.html

E aquí á Comunidade de Montes de Budiño:
http://siradioporrino.blogspot.com.es/2012/04/entrevista-dous-membros-da-directiva-da.html

*Entrevistas TEMAS POLÉMICOS LOURIÑA na Radio Municipal do Porriño
*Entrevistas MEDIO AMBIENTE na Radio Municipal do Porriño

Entrevista a Nelson Santos sobre melloras no Paseo do Louro e Gándaras de Budiño 19/04/12

Nelson Santos

Recentemente o Concello do Porriño vén de comunicar diversas accións e traballos que se van desenvolver no Paseo do Louro coa intención, segundo o alcalde Nelson Santos, de convertelo "no gran parque e zona verde do municipio". Falamos co rexedor local para que nos contase os detalles do derrubamento de edificacións ilegais na contorna do paseo, dos traballos de mellora no cauce do río, da obrigatoriedade de pasear os cans con correa e de que consiste o proxecto do gran parque. Ademais, tamén lle preguntamos sobre os traballos de mellora e conservación nas Gándaras de Budiño para os que o Goberno destinará 1.200.000 euros.

A entrevista podes escoitala se premes este enlace:

http://archive.org/download/EntrevistaAoAlcaldeDoPorrioNelsonSantosSobrePaseoDoLouro19-04-12/EntrevistaAlcaldePorrioNelsonSantosSobrePaseoLouro19-04-12.mp3

*Entrevistas MEDIO AMBIENTE na Radio Municipal do Porriño

Entrevista a dous membros da directiva da Comunidade de Montes de Budiño 09/04/12

Domingos e Luis no noso estudo de Torneiros

Falamos nesta ocasión coa Comunidade de Montes Veciñais en Man Común de Budiño e facémolo da man do presidente, Domingos Domínguez, e do vicepresidente, Luis Martínez. Conversamos sobre a débeda que o Concello do Porriño ten contraída coa comunidade dende hai anos pola explotación das canteiras e tamén sobre cal é a situación actual no referente ás molestias que a actividade nas explotacións causa aos veciños. Por suposto, tamén falamos do emblema do monte porriñés: o Faro de Budiño. Domingos e Luis contáronos que lles gustaría revalorizar esta zona e tamén a lagoa das Gándaras. Por outra parte, falamos da prevención de incendios na zona, recordando en especial os lumes de 2006. 

Pincha no enlace para escoitar a entrevista:

http://archive.org/download/EntrevistaPresidenteEVicepresidenteComunidadeMontesBudioDomingosE/EntrevistaPresidenteEVicepresidenteComunidadeMontesBudioDomingosELuis09-04-12.mp3

Aquí está dispoñible a que lle fixemos a semana anterior á Comunidade de Montes de Atios:

http://siradioporrino.blogspot.com.es/2012/04/entrevista-ao-vicepresidente-da.html

E aquí podes escoitar a entrevista que lle fixemos o ano pasado ao concelleiro de Canteiras, Carlos Martínez:
http://siradioporrino.blogspot.com.es/2011/10/entrevista-ao-concelleiro-de-canteiras.html

*Entrevistas TEMAS POLÉMICOS LOURIÑA na Radio Municipal do Porriño
*Entrevistas MEDIO AMBIENTE na Radio Municipal do Porriño

Entrevista ao vicepresidente da Comunidade de Montes de Atios, Xoan Pereira 26/03/12

Canteira de Atios

No noso repaso dos luns polas parroquias do Porriño é agora a quenda de coñecer mellor o labor e peticións das comunidades de montes. Neste caso falamos co vicepresidente da Comunidade de Montes en Man Común de Atios, Xoan Pereira.

Durante a entrevista, tratamos diversos temas como a reivindicación que os comuneiros fan do monte non clasificado e a polémica sobre a débeda que o Concello contraeu con eles dende hai anos polo uso que as canteiras fan do monte. Xoan tamén nos contou que conseguiron a certificación forestal, que están a traballar no deslinde coas parroquias de Cans e Budiño e o motivo polo que se opoñen ao trazado de liña de alta tensión que se prevé que pase polo monte da parroquia. Por suposto, tamén falamos dos incendios e de como están a traballar na súa prevención en Atios. 

Preme o seguinte enlace para escoitar a entrevista:
http://archive.org/download/EntrevistaAoVicepresidenteDaComunidadeMontesAtiosXoanPereira26-03-12/EntrevistaVpteComunidadeMontesAtiosXoanPereira26-03-12.mp3

Aquí está dispoñible unha entrevista posterior realizada á Comunidade de Montes de Budiño:
http://siradioporrino.blogspot.com.es/2012/04/entrevista-dous-membros-da-directiva-da.html

Neste outro podes escoitar unha entrevista que lle fixermos ao concelleiro de canterias do Porriño, Carlos Martínez, respecto da situación destas explotacións mineiras no Porriño:
http://siradioporrino.blogspot.com.es/2011/10/entrevista-ao-concelleiro-de-canteiras.html

*Entrevistas TEMAS POLÉMICOS LOURIÑA na Radio Municipal do Porriño
*Entrevistas ASOCIACIÓNS CULTURAIS/FESTAS/VECIÑAIS na Radio Municipal do Porriño

Entrevista ao dono da panadería porriñesa Argibay sobre o novo pan ecolóxico 23/02/12

Momento do curso sobre o pan. José Antonio en 2º plano na dreita.

A panadería porriñesa Argibay foi a primeira da provincia de Pontevedra en recibir o selo ecolóxico do Craega (Consello Regulador da Agricultura Ecolóxica de Galicia). Por este motivo, o propietario ten a intención de comezar a elaborar e vender pan ecolóxico este mes. Trátase dun produto feito de xeito 100% natural que, ademais, vaise cocer no forno moruno de máis de 100 anos de antigüidade do que dispón o obradoiro. Un experto francés visitou recentemente a panadería para explicarlles aos asistentes, entre eles empregados de Argibay, como elaborar o pan. Nós falamos co dono do establecemento, José Antonio Argibay, para coñecer tódolos detalles do pan e do curso. 

Podes escoitar a entrevista ciclando enriba da seguinte ligazón:

http://www.archive.org/download/EntrevistaPanEcolxicoPanaderaArgibayPorrioJoseAntonio23-02-12/EntrevistaPanaderiaArgibayPorrioJoseAntonio23-02-12.mp3

*Entrevistas MEDIO AMBIENTE na Radio Municipal do Porriño 
*Entrevistas CURIOSIDADES LOURIÑA na Radio Municipal do Porriño

Entrevista a Delmiro Rocha, presidente da Asociación Treze Catorze de Salceda 03/02/12

IV aberto de Treze Catorze

Coa nosa intención habitual de dar a coñecer as agrupacións culturais da zona, quixemos esta vez falar coa Asociación Treze Catorze de Salceda de Caselas.

Treze Catorze defínese como unha asociación cultural, deportista e ecoloxista que busca ofrecer aos veciños da contorna actividades diferentes ás que usualmente propoñen outros grupos culturais. Nós falamos co presidente, Delmiro Rocha, para coñecer a historia de Treze Catorze e as iniciativas que promove, sobre todo aquelas relacionadas coa ecoloxía.



Pincha o seguinte enlace para escoitar a entrevista:
http://www.archive.org/download/EntrevistaADelmiroRochaPresidenteDaAsocTrezeCatorzeDeSalceda/EntrevistaADelmiroRochaPresidenteDaAsocTrezeCatorzeSalceda03-02-12.mp3

*Entrevistas OCIO LOURIÑA na Radio Municipal do Porriño
*Entrevistas MEDIO AMBIENTE na Radio Municipal do Porriño 
*Entrevistas ASOCIACIÓNS CULTURAIS/FESTAS/VECIÑAIS na Radio Municipal do Porriño

Entrevista a dous profesores de ioga de Atios (Porriño) 24/01/12

Míriam, en 1º plano, e Bugui, sentado, durante unha sesión

Bugui García e Míriam Méndez son dous profesores de ioga que imparten sesións de relaxación na súa vivenda en Atios. Con eles adentrámonos no mundo desta disciplina física e mental para coñecer que beneficios pode achegar a aqueles que o practiquen. Ademais, ambos son permacultores, é dicir, levan un modo de vida sostible e respetuoso co medioambiente. No mes de febreiro impartirán outras sesións.

Para escoitar a conversa que mantivemos con Bugui e Míriam clica enriba do seguinte enlace:
 http://www.archive.org/download/EntrevistaADousProfesoresDeIogaDeAtiosBugiGarciaEMiriamMendez/EntrevistaProfesoresDeIogaBuguiEMiriam24-01-12.mp3

Aquí podes escoitar unha entrevista anterior que lle fixemos a Bugui na que fala da permacultura:
http://siradioporrino.blogspot.com.es/2011/10/permacultura-segundo-o-noso.html

*Entrevistas SAÚDE LOURIÑA na Radio Municipal do Porriño

Entrevista a un criador da galiña de Mos II 10/01/12

Un exemplar da galiña de Mos

Xa non é a primeira vez que falamos cun criador da galiña de Mos (especie autóctona recoñecida pola súa carne), pero nesta ocasión quixemos facelo co gallo dun caso particular. Un criador, veciño do Concello de Mos, deu a coñecer que unha das súas aves está a poñer ovos o dobre de grandes do tamaño extra e de ata tres xemas. Para coñecer os detalles deste caso curioso e tamén para refrescar o tema desta especie 100% galega, falamos co coidador en cuestión, José Manuel Martínez.




A entrevista podes escoitala se pinchas enriba do seguinte enlace:
http://www.archive.org/download/EntrevistaAUnCriadorDaGaliaDeMosJoseManuelMartnez10-01-12/EntrevistaGaliaDeMosJoseManuelMartnez10-01-12.mp3

Aquí podes escoitar unha entrevista anterior que lle fixemos a outro criador mosense da galiña de Mos e doutros animais autóctonos galegos:
http://siradioporrino.blogspot.com.es/2011/12/entrevista-un-criador-da-galina-de-mos.html

*Entrevistas MEDIO AMBIENTE na Radio Municipal do Porriño 
*Entrevistas CURIOSIDADES LOURIÑA na Radio Municipal do Porriño

Entrevista a un criador da Galiña de Mos 09/12/12

Polos da galiña de Mos

A galiña de Mos non é exclusiva desta zona da Louriña como poida parecer polo seu nome, senón que en realidade trátase dunha galiña de raza autóctona galega que recibe a súa denominación do Concello de San Xulián de Mos (Lugo). Aínda así, na Louriña hai arredor dunhas seis persoas dedicadas á crianza desta galiña e que pertencen a Avimos (Asociación de Avicultores da Raza Galiña de Mos).

Nós falamos cun deles, Álvaro Rodríguez, que ademais de explicarnos os detalles desta ave tamén nos contou que ten outros animais autóctonos coma ovellas, un porco celta ou cans de palleiro. Se queres coñecer as características destes animais 100% galegos e saber como tes que facer se queres adquirilos pincha o seguinte enlace e escoita a entrevista:
http://www.archive.org/download/EntrevistaAoCriadorDaGaliaDeMosAlvaroRguez09-12-12/EntrevistaSobreGaliaMosAAlvaroRguez09-12.mp3

Aquí podes escoitar unha entrevista posterior sobre un caso particular dun veciño de Mos cuxas galiñas poñen ovos o dobre de grandes do tamaño normal:
http://siradioporrino.blogspot.com.es/2012/01/entrevista-galina-de-mos-ii-100112.html

*Entrevistas MEDIO AMBIENTE na Radio Municipal do Porriño
*Entrevistas CURIOSIDADES LOURIÑA na Radio Municipal do Porriño

Entrevista polígono eólico no Galiñeiro: Pura González e Alejandro Lorenzo 07/12/12

Recreación do polígono que se pode ver na páxina da plataforma

Despois de que os concellos de Vigo e Gondomar se manifestasen en contra do polígono eólico que a Xunta pretende construír na Serra do Galiñeiro, nós quixemos dar a coñecer a postura do Porriño a este respecto. É por isto que falamos coa voceira da plataforma Pola Defensa da Serra do Galiñeiro, Pura González, para que nos contase de que maneira se están a organizar para evitar que o polígono sexa unha realidade neste monte e como afectaría este proxecto a Porriño e, en concreto, á Entidade Local Menor de Chenlo . Por outra banda, tamén falamos co alcalde pedáneo desta parroquia, Alejandro Lorenzo, que nos contou que o Concello está a alegar contra o proxecto o igual que o fará Chenlo.

Podes escoitar as dúas entrevistas seguidas se pinchas o seguinte enlace:

http://www.archive.org/download/EntrevistaSobrePolgonoElicoNaSerraDoGaleiroPuraEAlejandro/EntrevistaPolgonoElicoSerraGalieiroPuraEAlejandro07-12.mp3

Aquí podes escoitar unha entrevista anterior que lle fixemos a Pura González sobre os pormenores da actividade da plataforma:

http://siradioporrino.blogspot.com.es/2011/10/entrevista-plataforma-pola-defensa-da.html

*Entrevistas MEDIO AMBIENTE na RadioMunicipal do Porriño
*Entrevistas temas POLÉMICOS na Radio Municipal do Porriño

Entrevista á coordinadora de protectoras sobre os verquidos nas Gándaras de Budiño 11/11/11

A pesar de estar catalogado como LIC (Lugar de Interse Comunitario) e incluído dentro da Rede Natura 2000, o espazo natural das Gándaras de Budiño sofre continuos danos ecolóxicos que están a mermar a súa biodiversidade. A proximidade do polígono industrial do mesmo nome provoca que emisións contaminantes e lixo vaian parar a este contorno, que se reduza a súa extensión e que a conservación das súas lagoas e especies se vexa ameazada.

Imaxe do verquido tomada por M. Mosquera

Membros da Coordinadora de Protectoras de Pontevedra non son indiferentes a esta realidade e denunciaron os continuos verquidos ao Río Louro ante  o Seprona e a Xunta. Na Radio Municipal do Porriño entrevistamos a Miguel Mosquera, membro da protectora, que nos falou da denunica que puxeron e  outras peticións respecto das  Gándaras de Budiño ademais das diferentes inciativas que teñen entre mans.

Clicla sobre o enalce de embaixo para escoitar a entrevista:

http://www.archive.org/download/EntrevistaGandarasDeBudioConMiguelMosquera11-11-11/EntrevistaGndarasBudioMiguelMosquera11-11.mp3

*Entrevistas MEDIO AMBIENTE na Radio Municipal do Porriño
*Entrevistas TEMAS POLÉMICOS na Radio Municipal do Porriño

Entrevista ao permacultor de Atios, Bugui García 28/08/11

Bugui García

A permacultura, segundo o noso entrevistado, "es una caja de herramientas para generar una cultura permanente en el tiempo.  Son herramientas para crear una vivienda de bajo impacto ambiental, una huerta en la que se trabaja cada vez menos año a año para que la tierra sea más fértil y también es una forma de relacionarse entre las personas más sostenible".

Bugui García é un veciño do Porriño que está metido de cheo neste modo de vida, é membro da asociación Eiras do Minho e creador do blog Permacultura Louro. Se queres saber que son os bosques comestibles, as hortas verticais ou a bioconstrución, só tes que escoitar a entrevista. O vindeiro sábado realizan en Atios un taller baixo o nome Cociñando con plantas comestibles.

A entrevista podes escoitala se clicas neste enlace:
http://www.archive.org/download/EntrevistaPermaculturaPorrio28-08-11/EntrevistaPermaculturabuguiGarca26-08.mp3

Neste outro link podes escoitar unha entrevista posterior a Bugui na que xunto con Míriam Méndez fala da súa faceta como profesor de ioga en Atios:
http://siradioporrino.blogspot.com/2012/01/entrevista-dous-profesores-de-ioga-de.html

*Entrevistas MEDIO AMBIENTE LOURIÑA na Radio Municipal do Porriño
*Entrevistas CURIOSIDADES LOURIÑA na Radio Municipal do Porriño

Entrevista á voceira da Plataforma pola Defensa da Serra do Galiñeiro, Pura González 15/09/11

Monte do Galiñeiro

Hoxe subimos a entrevista que lle fixemos a Pura González, voceira da Plataforma pola Defensa da Serra do Galiñeiro. Trátase dunha organización formada por máis de 30 colectivos que busca que o Galiñeiro se converta nun espazo protexido e evitar así que continúen as agresións que está a sufrir e a futura instalación dun parque eólico proxectado pola Consellería de Industria da Xunta. Con este fin, organizaron unha segunda andaina pola serra que gozou dunha boa acollida e cun convidado de honra, o escritor galego Xosé Luís Méndez Ferrín que lle puxo o broche de ouro a andaina coa lectura do manifesto da plataforma.

Podes escoitar a entrevista se pinchas o seguinte enlace:

http://www.archive.org/download/EntrevistaProteccinSerraGalieiro15-09-11/EntrevistaProteccinGalieiroPuraGlez.15-09.mp3

Neste outro enlace podes escoitar unha entrevista posterior feita a Pura González e tamén ao alcalde pedáneo de Chenlo, Alejandro Lorenzo, sobre o polígono eólico:
http://siradioporrino.blogspot.com/2011/12/entrevista-poligono-eolico-no-galineiro.html

*Entrevistas MEDIO AMBIENTE na RadioMunicipal do Porriño
*Entrevistas TEMAS POLÉMICOS na Radio Municipal do Porriño