Entrevista ao edil porriñés Alejandro Lorenzo sobre emprego en setembro e Festas do Cristo 18/09/12

Alejandro Lorenzo (dereita)

Falamos co concelleiro porriñés Alejandro Lorenzo sobre cuestións referidas a dous dos departamentos que dirixe: Emprego-Formación e Festexos. Por un lado, conversamos sobre os datos de paro no Concello, os obradoiros que se van a poñer en marcha (atención sociosanitaria, xardiñería e deseño-instalación de enerxía xeotérmica e solar) e as accións formativas que xa se están a desenvolver dende agosto (atención sociosanitaria, vendedor técnico e restauración). Tamén tratamos inciativas que se van a levar a cabo proximamente como o II Feirón Porremprego. Por outra banda, como edil de Festexos, Alejandro Lorenzo falounos das particulariedades das Festas do Cristo deste ano.

"Estámonos planteando celebrar este ano o Feirón Porremprego no pavillón para ampliar as ponencias", foi unha das declaracións que nos deixou Alejandro Lorenzo durante a entrevista. 

Preme neste enlace para escoitar a entrevista:
http://archive.org/download/EntrevistaEdilPorrioAlejandroLorenzoempregoSetembroEFestasCristo/EntrevistaEdilPorrioAlejandroLorenzoempregoSetembroEFestasCristo18-09-12.mp3


*Entrevistas EMPREGO LOURIÑA na Radio Municipal do Porriño
*Entrevistas ALCALDES E CONCELLEIROS na Radio Municipal da Louriña 
*Entrevsitas EVENTOS E FESTEXOS na Radio Municipal do Porriño 

Programa especial Festas do Cristo 2012 no Porriño 21/09/12

Os pregoeiros xunto con membros do goberno local

Subimos unha parte do programa especial que fixemos o pasado día 21 de setembro con motivo do pregón das Festas do Cristo 2012 no Porriño. Poderás escoitar como falamos de curiosidades sobre esta celebración e as entrevistas que lle fixemos en directo ao concelleiro de Festexos, Alejandro Lorenzo, e ao alcalde, Nelson Santos. Ademais, por suposto, poderás escoitar o pregón íntegro que correu a cargo do grupo show do Club de Patinaxe Ribex do Porriño, subcampión de Europa este ano.

Preme neste enlace para escoitar o programa no que participaron Tania Alonso e Lorena Soto dende o noso estudo de Torneiros, e Antón Xil dende a Praza Arquitecto Antonio Palacios:
http://archive.org/download/ProgramaFestasDoCristoPorrio2012/ProgramaFestasDoCristoPorrio2012.mp3

AQUÍ podes ver algunhas fotografías tomadas ese día.

*Entrevsitas EVENTOS E FESTEXOS na Radio Municipal do Porriño 

Entrevista sobre concentración de coches tuning e clásicos no Porriño 03/07/12

Esta fin de semana (dende o sábado día 4 ás 10.00h ata o domingo 5 ás 18.00h) celébrase no aparacamento do pavillón polideportivo do Porriño unha concentración de tuning e de coches clásicos.

Santiago e Aroa no noso estudo

A inscrición vai estar aberta os dous días e dende a organización aseguran que se prevé a mobilización de entre 100 e 150 coches. Realizaranse competicións de audio como o Campionato Internacional de SPL e outros e exporanse automóbiles clásicos como Corvette Z06 Black Edition. Tamén haberá preparación de vehículos e expositores.

Santiago Carballo e Aroa Rodríguez, da organización, aseguran que o obxectivo é pasalo ben, favorecer o turismo no Concello e compartir a paixón polos coches. Convidan a todo o mundo interesado a asistir.

Para escoitar a entrevista que lles fixemos premendo neste enlace:
http://archive.org/details/EntrevistaConcentracionCochesClasicosETuningPorrio03-08-12

*Entrevsitas EVENTOS E FESTEXOS na Radio Municipal do Porriño 

Entrevista ao actor mosense Pablo Paz 31/07/12

Pablo Paz (dereita) xunto ao tamén actor Pablo Viña en Torneiros (Porriño)

Esta semana estivo no noso estudo o actor mosense Pablo Paz (Amar en tiempos revueltos, Yo soy Bea) que está por terras galegas para presentar a obra que produce e protagoniza Águilas en el jardín (todos os xoves e domingos de agosto na Sala Cristian de Samil en Vigo ás 21.30h). Falounos deste proxecto no que dá vida a seis personaxes diferentes que deben demostrar o seu valor á hora de enfrontarse a unha serie de retos en ton de comedia. Trae, ademais, como convidado especial ao temén actor Pablo Viña (Amar en tiempos revueltos, Agitación+iva). Podes consultar máis información sobre a obra que gozou de éxito durante dúas temporadas en Madrid premendo AQUÍ. 

Pablo Paz non só é actor, senón tamén productor e bailarín e incluso se atreve coa música. "Me hace especial ilusión actuar en Vigo, cerca de casa" díxonos durante a conversa. 

Falamos sobre Águilas en el jardín, todas as súas facetas e outras curiosidades na entrevista que podes escoitar se premes o seguinte enlace:

http://archive.org/download/EntrevistaActorMosensePabloPaz31-07-12/EntrevistaActorMosensePabloPaz31-07-12.mp3

*Entrevistas ARTISTAS LOCAIS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño

Entrevista IV Festa Gastronómica do Cabrito ao Espeto de Chenlo (Porriño) 31/07/12

Foto tomada onte durante a presentación da festa no centro sociocultural de Chenlo

Como cada primeiro domingo de agosto dende hai catro anos celébrase a Festa do Cabrito ao Espeto na parroquia porriñesa de Chenlo. O día 5 estarán listos os 100 cabritos e os 200 kg de churrasco que se van asar coa previsión de abastecer a unhas 2.000 persoas no lugar da Chan da Carreira (xunto o campo de fútbol). O evento, que comezará a partir das 10.00h, estará amenizado musicalmente co grupo 3.com e o grupo de gaitas San Xurxo de Mosende. Haberá sorpresas e agasallos e sortearase un cabrito. O prazo para facer as reservas remata este xoves día 2 de agosto. Os prezos son os seguintes:

- cabrito enteiro 180€

- medio cabrito 90€

- ración de cabrito 20€

- ración de churrasco 12€

- pinchos de cabrito 3€

As racións inclúen viño, rosca, empanada, café e chupito. Os teléfonos para as reservas son os seguintes: 

607 77.55.25 / 647 14.27. 82 / 615 40.02.65.

Nós falamos con Alejandro Lorenzo, alcalde pedáneo de Chenlo, sobre todos os detalles do evento organizado, principalmente, por xente moza do municipio.

Podes escoitar a entevista pinchando neste enlace:

http://archive.org/download/EntrevistaAlcaldePedaneoChenloSobreIvFestaCabritoEspeto31-07-12/EntrevistaAlcaldePedaneoChenloSobreIvFestaCabritoEspeto31-07-12.mp3

*Entrevistas parroquia de CHENLO na Radio Municipal do Porriño  

*Entrevsitas EVENTOS E FESTEXOS na Radio Municipal do Porriño 

Entrevista CISM e Banda de Música Cultural de Salceda 30/07/12

Falamos da oitava edición do Curso Internacional e a Semana Musical de Salceda, certame polo que se segue a apostar no Concello a pesar de que en outros lugares de España non se fai este ano principalmente por motivos económicos. Este evento serve para poñer aínda máis de relevancia a tradición da música en Salceda, e en especial da súa Banda de Música Cultural que conta cunha longa e froitírfera traxectoria.

Cartel do evento

Este ano participan no curso 93 alumnos (varios deles de Portugal e un de Rusia) que van aprender a tocar diversos instrumentos da man de mestres consolidados como David Rejano (trombón), Pascual Martínez (clarinete), Mike Forbes (tuba) e Paula Gállego (frauta). Ademais, hai preparadas actuacións todas as noites. Onte, o certame inaugurouse o grupo de cámara de clarinetes Ad Libitum de Portugal e o punto final o venres vén da man da Maribor International Orchestra de Eslovenia, directos dende Londres (ás 20.00h na Praza do Concello). Hoxe, a quenda é para o recital do trombón solista da Münchner Philharmoniker, David Rejano, acompañado ao piano por María Lebed (auditorio municipal, 22.00h).

Podes consultar o resto do programa AQUÍ.

Nós falamos con Álex Rodríguez Canosa, da organización do evento, para falar dos detalles da presente edición do CISM da importancia da banda e da escola de música salcedenses.

Preme neste enlace para escoitar a entrevista: 
http://archive.org/download/EntrevistaBandaDeMusicaCulturalDeSalcedaCismalexRCanosa30-07-12/EntrevistaBandaDeMusicaCulturalDeSalcedaCismalexRCanosa30-07-12.mp3

O mércores 1, ás 23.00h no Parque Raíña Argonta, actúa a banda de Mos The Turre's Band que xa pasaron polo noso estudo. Podes escoitar a entrevista que lle fixemos neste enlace:

http://siradioporrino.blogspot.com.es/2012/04/entrevista-ao-grupo-mosense-turres-band.html


O programa inclúe unha mostra de pintura vinculada á música do porriñés Quico Paz Antón. Aquí podes consultar unha entrevista que lle fixemos hai un tempo sobre a súa faceta como pintor e músico e o libro que escribiu sobre os 125 anos de historia da Banda de Música de Salceda:

http://siradioporrino.blogspot.com.es/2012/01/entrevista-quico-paz-anton-030112.html

*Entrevistas MÚSICA LOCAL na Radio Municipal do Porriño  
*Entrevsitas EVENTOS E FESTEXOS na Radio Municipal do Porriño

Entrevista Campionato de España de Aeromodelismo na Cañiza. Club Vuelo a Vela Fontefría 27/07/12

José Lumbreras no noso estudo

Esta fin de semana, tanto o sábado (de 10.00 a 20.00h) como o domingo (de 10.00 a 17.00h) celébrase na Cañiza o Campionato de España de Aeromodelismo na modalidade de "remolcados por torno" no que participarán persoas procedentes de diversos puntos de España.

Organiza o Club de Aeromodelismo de Vuelo a Vela de Fontefría e nós falamos co presidente, José Lumbreras, que non só nos contou detalles do campionato, senón todo tipo de curiosidades sobre este deporte federado. O aermodelismo consiste en construír e facer voar réplicas ou modelos de avións, paixón á que José Lumbreras lle dedica moito tempo dende hai máis de 30 anos.

"Construir un buen avión me puede llevar tranquilamente un año", díxonos José Lumbreras durante a entrevista.

Preme no seguinte enlace para escoitar a entrevista:
http://archive.org/download/EntrevistaCampionatoAeromodelismoCaizaConJosLumbreras27-07-12/EntrevistaCampionatoAeromodelismoCaizaConJosLumbreras27-07-12.mp3

*Entrevistas DEPORTE LOCAL na Radio Municipal do Porriño

*Entrevsitas EVENTOS E FESTEXOS na Radio Municipal do Porriño

*Entrevistas CURIOSIDADES LOURIÑA na Radio Municipal do Porriño

Entrevista a Flipy con motivo da súa actuación en Mos 20/07/12

Esta mesma mañá falamos con Flipy, coñecido polo seu paso polo programa de televisión El Hormiguero. Mañán, xunto co cómico Luismi, ofrecerá un monólogo no Multiusos de Mos ás 22.30h (para maiores de 14 anos). Ademais de preguntarlle sobre a súa visita a Mos, aproveitamos para falar dos proxectos que trae entre mans, do seu paso por El Hormiguero e outras curiosidades.

"Las cadenas deberían tener más paciencia con las audiencias", foi unha das declaracións que nos deixou durante a entrevista. 

Entradas para o espectáculo: 8€ anticipada, 12€ en taquilla. Reserva no tlf. 986 23 35 82

- Puntos de venda no Porriño: Rest. Simplicio, Rest. Argentino2 e Panadería A Maquía (Torneiros). 

- Puntos de venda en Mos: Cafetería As de Trevo (fronte a discoteca   Queen), Rest. Argentino e Panadería A Maquía (Puxeiros). 

- Máis info no facebook de XQuatroEspectáculos

A entrevista podes escoitala se premes neste enlace:

http://archive.org/download/EntrevistaFlipyactuacionEnMos20-07-12/EntrevistaFlipyactuacionEnMos20-07-12.mp3

*Entrevistas EVENTOS E FESTEXOS na Radio Municipal do Porriño 

Entrevista "Gala 25 aniversario Premios Circulo do Porriño" con María José Giráldez 06/07/12

Mª Jose Giráldez no noso estudo

O sábado pasado o Círculo Recreativo Cultural do Porriño acolleu unha gala especial con motivo do 25 aniversario dos seus premios que cada ano se outorgan a veciños (deporte, música, cultura, recordo, mención especial). Unhas 150 persoas, entre socios e premiados, asistiron o evento presentado por Icía Alcalde.

Este ano, os protagonistas foron os impulsores da idea: Modesto Giráldez Teijeira, quen presidía o Círculo daquela, e os irmáns Antonio e Eduardo Fernández Valverde, primeiro Premio Círculo á Cultura e primeiro presentador gala respectivamete. 

Un día antes do evento, recibimos no noso estudo á  actual presidenta do Círculo, María José Giráldez. Con ela non só conversamos dos premios, senón tamén da importancia do centro para o desenvolvemento cultural no municipio durante os seus máis de 55 anos de historia ou do número especial da Revista Acougo (emblema do Círculo alá polos '70) entre outros temas.

"No Círculo somos unha gran familia", díxonos María José Giráldez durante a entrevista.

Podes escoitar a entrevista premendo neste enlace:
http://archive.org/download/EntrevistaGala25AniversarioPremiosCirculoMariaJoseGiraldez06-07-12/EntrevistaGala25AniversarioPremiosCirculoMariaJoseGiraldez06-07-12.mp3

Aquí esta dispoñible outra entrevista feita ao ano pasado á Mª José Giráldez:
http://siradioporrino.blogspot.com.es/2011/10/entrevista-circulo-recreativo-cultural.html

*Entrevistas EVENTOS E FESTEXOS na Radio Municipal do Porriño
*Entrevistas OCIO LOURIÑA na Radio Municipal do Porriño 

Entrevistas Carnaval de Verán Castro Barreiro e Centrovisión en Salceda 05/07/12

Esta fin de semana Salceda de Caselas acolle dous eventos aos que se espera que acudan unha multitude de persoas. 

Cartel do evento

Por un lado, mañá venres, celébrase o VIII Carnaval de Verán de Castro Barreiro (torreiro de festas Santa María de Salceda a partir das 20.00h). Este ano, a maiores do tradicional concurso de disfraces, haberá promocións en consumicións ("rallye bares" no que aínda te podes inscribir cliclando aquí) e exhibición de dirt jump entre outras actividades. 

"O único requisito é vir con gañas de pasalo ben", contounos Arantxa Rodríguez, voceira da Asociación Xuvenil Nós Somos Nós que organiza o evento.

Podes escoitar a entrevista premendo o seguinte enlace:

http://archive.org/download/EntrevistaAsc.NosSomosNosCarnavalCastroBarreiroVeranSalceda05-07-12/EntrevistaNosSomosNosCarnavalCastroBarreiroVeranSalceda05-07-12.mp3

Miguel e Luis no noso estudo

Por outro lado, o sábado, máis de 350 persoas participarán no VI Festival Musical Centrovisión organizado polo Centro Cultural de Soutelo (torreiro do Borralliño, a partir das 22.30h) coa colaboración do Concello de Salceda e a Deputación. No evento participan este ano grupos de play-back do Porriño (AVV San Salvador de Torneiros, CC A Forna de Budiño, Os Penediños de Atios), Mos (Santa Eulalia e ACR de Guizán), Tui (San Fins de Rebordáns) e Salceda (AC Xunco de Parderrubias). 

Esperáse que acudan entre 2000 e 2500 persoas como público. "A intención é premiar o esforzo feito durante todo o ano nos centros culturais" comentounos o presidente do C.C. Soutelo, Miguel Ramilo Hermida. Tamén nos acompañou o presentador deste ano, Luis Lamas. 


A entrevista podes escoitala se clicas enriba deste enlace:

http://archive.org/download/NtrevistaCcSouteloSalcedaFestivalCentrovision05-07-12/EntrevistaCcSouteloSalcedaFestivalCentrovision05-07-12.mp3

*Entrevistas EVENTOS E FESTEXOS na Radio Municipal do Porriño
*Entrevistas ASOCIACIÓNS CULTURAIS/FESTAS/VECIÑAIS na Radio Municipal do Porriño

*Entrevistas Concello de SALCEDA na Radio Municipal do Porriño

*Premendo enriba dos enlaces que aparecen no texto podes escoitar entrevistas relacionadas coas palabras marcadas en verde. 

Entrevista á Comisión de Festas de Chenlo (Porriño) sobre Festa de San Xoán 22/06/12

Ana Isabel, Rosa e Ana durante a entrevista

San Xoán é o patrón da parroquia porriñesa de Chenlo e por iso se trata dunha festa de grande arraigamento no lugar. Ademais, mantéñense algunhas tradicións vivas como a de roubar os carros e cancelas (e na actualidade outros elementos) durante a noite para situalos nos sitios máis insospeitados. 

Este ano, como vén sendo habitual, haberá dous días de festa. O sábado 23, os actos comezan a partir das 22.00h con sardiñada e churrascada amenizada polo Grupo Nevada. Xa, as 00.00h, queimarase a fogueira e faranse os rituais típicos da noite de San Xoán. O domingo 24 continúa o programa de festas a partir das 12.00h con misa solemne, comunións e a actuación da Banda de Música Municipal de Redondela e xa pola tarde, a partir das 18.00h verbena co Grupo Sabor. 

Nós falamos con tres membros da Comisión de Festas de Chenlo 2012 Ana Isabel Castro, Rosa Boubeta e Ana Novoa que nos contaron de xeito ameno non só o programa, senón tamén curiosidades do San Xoán e da parroquia. 

Preme neste enlace para escoitar a entrevista:

http://archive.org/download/EntrevistaComisionFestasChenloSanXoananaIsabelRosaEAna22-06-12/EntrevistaComisionFestasChenloSanXoananaIsabelRosaEAna22-06-12.mp3

San Xoán tamén en:

Parroquia de Torneiros no Porriño (organiza: AVV San Salvador de Torneiros), dia 23:

- 17.00h recolleita de herbas de San Xoán

- 22.00h tapas variadas e viño a disposición dos asistentes (de balde para os socios)

- 00.00h fogueira e música a cargo de Airiños do Miño

Porriño (organiza: AVV San Benito e San Sebastián), día 23:

- 22.00h noite do chouripán

- 00.00h fogueira e chocolate con rosca

Parroquia de Pereiras en Mos (organiza AVV A Nosa Terra de Pereiras), día 23:

- 22.30h sardiñada cos grupo de cantareiras As Lagharteiras e o grupo de gaitas Nosa Terra de Pereiras

- 00.00h fogueira

día 24:

- 11.00h baile tradicional cos grupos Nosa Terra de Pereiras e Santa Eulalia de Mos

- xantar campestre

- 18.00h festival folclórico infantil con: Nosa Terra de Pereiras, Chaneiros de Marín e Axóuxeres de Moaña

- humor con Jano Costas

Nas festas (incluída a de Chenlo) haberá pantallas para ver o partido da Eurocopa España-Francia

*Entrevistas EVENTOS E FESTEXOS na Radio Municipal do Porriño  
*Entrevistas parroquia de CHENLO na Radio Municipal do Porriño   

Entrevista á Banda de Música Xuvenil de Torroso (Mos) 21/06/12

Tania, Inés, Iván e Diego no noso estudo de Torneiros

En 1987 xurdiu oficialmente a Banda de Música Xuvenil de Torroso (Mos) por iniciativa do centro cultural da parroquia e actualmente conta con 60 membros.
A banda actúa este venres 22 de xuño na Praza Arquitecto Antonio Palacios do Porriño (21.30h) e o domingo 24 en San Eleuterio en Mos (a partir das 12.00h). A agrupación xa ten moitas máis citas concertadas para o resto de verán. Recentemente a banda recibiu a medalla ao mérito do Concello de Mos dentro do programa da Festa da Rosa deste ano.

O Quixote e Retrincos, baseadas nas obras literarias do mesmo nome, son as pezas estrelas da banda que ademais toca dende zarzuelas ata muiñeiras e pasodobres polo que pode ser requerida tanto para concertos como para animar verbenas e romerías. 

Nós falamos co presidente, Iván Rey, a membro e profesora Inés Lorenzo, e tamén cos membros Diego Cabaleiro e Tania López.

Para escoitar a entrevista preme neste enlace:
http://archive.org/download/EntrevistaABandaDeMusicaXuvenilDeTorrosoivanInesDiegoETania/EntrevistaABandaDeMusicaXuvenilDeTorrosoIvanInesDiegoETania21-06-12.mp3

The Turre's Band é un grupo musical mosense que xurdiu moi vinculado a esta banda de música. Nesta ligazón podes escoitar a entrevista que lle fixemos:
http://siradioporrino.blogspot.com.es/2012/04/entrevista-ao-grupo-mosense-turres-band.html


*Entrevistas FORMACIÓN ARTÍSTICA LOURIÑA na Radio Municipal do Porriño   
*Entrevistas OCIO LOURIÑA na Radio Municipal do Porriño

Entrevista ao Moto Club A lo Loko sobre concentración mototurística en Mos 15/06/12

Cartel do evento

Hoxe entrevistamos a Daniel Lago, presidente do Moto Club A lo Loko que organiza, en colaboración co Concello de Mos, a VI Concentración mototurística que vai ter lugar en Mos esta fin de semana (sábado 16 e domingo 17). Haberá exposición de motos, sesión vermú, comida, música, rutas e exhibición acrobática a cargo de Paulo Martinho e outras actividades. 

Mañá, ás 11.00h, na parroquia de Sanguiñeda (xunto á discoteca Queen) ábrense as inscricións por 15 euros (inclúe actividades+camiseta+comida). Máis información no teléfono 617.37.07.15

Preme no seguinte enlace para escoitar a entrevista: 

http://archive.org/download/EntrevistaConcentracionMototuristicaSanguieda-mosClubAloloko15-06-12/EntrevistaConcentracionMototuristicaMosClubAloloko15-06-12.mp3

*Entrevistas EVENTOS E FESTEXOS na Radio Municipal do Porriño  

Entrevistas Salceda Festbier, tuning show en Pontellas e Festa da Xuntanza de Torneiros 08/06/12

Hoxe falamos na nosa emisora de tres eventos que van ter lugar esta fin de semana, do 8 ao 10 de xuño.

Salceda Festbier

En primeiro lugar falamos da Salceda Festbier (torreiro de festas Virxe da Concepción) que comeza hoxe e dura ata o domingo. Prevese repartir uns 2000 litros de cervexa e 1500 racións de polo á brasa. Destacan, ademais, as actuacións musicais con grupos e chargangas da zona e gastronomía típica galega e alemán. Organiza a Comisión de Festas da Concepción de Salceda e nós falamos co presidente, Gaspar Martínez.

Podes escoitar a entevista premendo no seguinte enlace: 

http://archive.org/download/FestaFestbierSalcedaComisionConcepcion08-06-12/EntrevistaFestaCervexaSalcedaComisionConcepcionI08-06-12.mp3

Expo Tuning Show Pontellas

Tamén falamos da Expo Tuning Show que vai ter lugar mañá na parroquia porriñesa de Pontellas (no torreiro de festas de San Campio). A partir das 10.00h concentración de coches e motos, ás 17.00h ruta ao Aloia e a partir das 21.00h exhibición de Narcís Roca e festa Dj. Organiza a Comisión de Festas San Campio e nós falamos cun membro, Alberto Romero.

Preme no seguinte enlace para escoitar a entrevista:

http://archive.org/download/EntrevistaConcentracionCochesEMotosPontellasComisionSanCampio08-06-12/EntrevistaEncontroCochesEMotosPontellasComisionSanCampio08-06-12.mp3

Festa Xuntanza Torneiros

Por último, tamén fixemos unha entrevista sobre a XXXIV Festa da Xuntanza de Torneiros (local social da AVV San Salvador). Este ano destaca a colocación de 25 postos de artesanía galega e mostra de traballos tradicionais relacionados coa cerámica, a cestería e a elaboración de gaitas. Ademais, virán a tocar  grupos de gaitas de Francia, Alemania, Croacia e Baleares. Falamos co secretario da AVV San Salvador, Lucho Carrera.

Nesta ligazón podes escoitar a entrevista:

http://archive.org/download/Entrevista34FestaXuntanzaTorneirosSanSalvador08-06-12/EntrevistaFestaXuntanzaTorneirosSanSalvador08-06-12.mp3

*Entrevistas EVENTOS E FESTEXOS na Radio Municipal do Porriño
*Entrevistas ASOCIACIÓNS CULTURAIS/FESTAS/VECIÑAIS na Radio Municipal do Porriño

Entrevista a Ángel de la Cruz, guionista de Arrugas, no Festival de Cans 24/05/12

Ángel de la Cruz na dereita (Rafa Costas)

O xoves 25, dentro da programación do Festival de Cans (Porriño), asistimos á proxección do filme de animación Arrugas. No acto estiveron presentes o productor, Manuel Cristóbal, o actor galego que lle puxo voz ao personaxe principal, Tacho González, e un dos guionistas, Ángel de la Cruz. Conversamos con este último sobre esta película gañadora de dous Goyas (mellor película de animación e mellor guión adaptado), o festival e o novo proxecto no que está inmerso este guionista coruñés e que ten que ver coa parroquia porriñesa de Cans. 

Preme o seguinte enlace para escoitar a entrevista que lle fixemos a Ángel de la Cruz ao rematar a proxección:
http://archive.org/download/EntrevistaAngelDeLaCruzDeArrugasNoFestivalCansPorrio24-05-12/EntrevistaAngelDeLaCruzArrugasFestivalCans24-05-12.mp3

Nesta outra ligazón podes escoitar outras entrevistas relacionadas co Festival de Cans como por exemplo ás que lle fixemos ao director, Alfonso "Pato", e aos aos veciños da parroquia de Cans: 

http://siradioporrino.blogspot.com.es/search/label/Festival%20de%20Cans

Entrevista a Alfonso "Pato", director do Festival de Cans II (Porriño) 23/05/12

"Fábrica de cans" en Cans

E chegou o día. Hoxe arranca a IX edición do Festival de Cans que se prolongará ata o sábado 26. O certame é unha combinación de cine, música, diversión, unión veciñal, orixinalidade e agroglamour. Xa vimos falando desta cita imprescindible do Porriño en días anteriores e hoxe fixémolo emitindo a entrevista ao director Alfonso García "Pato". A conversa recuperámola do programa "Galicia Día a Día" que Gabino Porto conduce polas mañás en Si Radio. 

Preme este enlace para escoitar a entrevista:

http://archive.org/download/EntrevistaDeGabinoPortoAAlfonsoPatoSobreFestivalDeCans23-05-12/EntrevistaAlfonsoPatoFestivalDeCansg.porto23-05-12.mp3

Neste outro podes escoitar unha conversa anterior que mantivemos con "Pato" na que falamos das dificultades de financiamento polas que atravesou o certame este ano:

http://siradioporrino.blogspot.com.es/2011/12/entrevista-alfonso-pato-director-do.html

Aquí está dispoñible unha entrevista recente a Paco Candán, o artesán que elabora os cans de pedra:

http://siradioporrino.blogspot.com.es/2012/05/entrevista-ao-escultor-porrines-paco.html

E aquí a tres veciños que colaboran activamente no Festival (Xosé Quintas, Tante e Rafa González):

http://siradioporrino.blogspot.com.es/2012/05/entrevista-aos-vecinos-xose-quintas.html

Entrevista aos veciños Xosé Quintas, Tante e Rafa González. Festival de Cans 15/05/12

O Festival de Cans (Porriño) é posible grazas, en grande medida, á unión e colaboración dos veciños da parroquia. É por isto que quixemos convidar ao noso estudo de Torneiros a tres persoas que partipan activamente no certame de xeito desinteresado. Falamos con Xosé Quintas, veciño que este ano forma parte do xurdado; con Tante que conduce un dos chimpibuses, elabora os cans amarelos de madeira e cede o xa tradicional cuberto de Chelo; e con Rafa González en cuxa casa se celebra o xantar cos convidados e a organización. Os tres contáronos as súas funcións, impresións sobre o certame dende os comezos, curiosidades e anécdotas. 

Quintas, Tante e Rafa durante a entrevista 

A entrevista xa está dispoñible neste enlace:

http://archive.org/download/EntrevistaVeciosFestivalDeCansxoseQuintasTanteERafaGonzalez/EntrevistaAVeciosFestivalCansX.quintasTanteERafaGlez15-0512.mp3

Nesta outra ligazón podes escoitar a entrevista que lle fixemos ao artesán Paco Candán que elabora os cans de pedra que levan os premiados: 

http://siradioporrino.blogspot.com.es/2012/05/entrevista-ao-escultor-porrines-paco.html

*Entrevistas EVENTOS E FESTEXOS na Radio Municipal do Porriño  
*Entrevistas CURIOSIDADES LOURIÑA na Radio Municipal do Porriño 

Entrevista a Daniel Lago, un dos organizadores de Golfmanía Mos 11/05/12

Daniel Lago no noso estudo

Por terceira vez A Louriña converterase en escenario para os amantes e usuarios do coche Wolkswagen Golf. Este xoves 17 de maio celébrase Golfmanía. Trátase dunha ruta en coche que partirá de Pereiras (Mos) ás 10.30h para acabar en Baiona (onde se fará un xantar conxunto por 25€/persoa). A cita concentrou o ano pasado uns 30 golfs e arredor de 60 participantes. O prazo para inscirbirse remata mañá martes 15 (para reservar mesa no restaurante). Máis información no teléfono 617.370.715 ou no facebook Golfmania Wolkswagen Lago.

Nós falamos con Daniel Lago, un dos organizadores para coñecer máis detalles sobre a cita e este modelo de coche. Pincha este enlace para escoitar a entrevista: 
http://archive.org/download/EntrevistaOrganizadorGolfmaniaMosDanielLago11-05-12/EntrevistaGolfmaniaMosDanielLago11-05-12.mp

*Entrevistas EVENTOS E FESTEXOS na Radio Municipal do Porriño 
*Entrevistas CURIOSIDADES LOURIÑA na Radio Municipal do Porriño 

Entrevista ao artesán porriñés Paco Candán. Festival de Cans 10/05/12

Paco no noso estudo

Pronto poderemos asistir á IX edición do Festival de Cans no Porriño (23-26 maio) e para ir abrindo boca queremos falar con algúns dos protagonistas que fan posible este evento. Nesta ocasión convidamos ao noso estudo a Paco Candán. El é o encargado de crear os cans e as estrelas en pedra que levan os premiados. Este artesán de Cans colabora no festival dende a primeira edición e  foi premiado no certame co chimpín de prata. 

Paco Candán leva 25 anos traballando a pedra e durante a entrevista, ademais de falar sobre a súa achega a Cans, tamén conversamos sobre a súa traxectoria facendo algunha que outra reflexión sobre a crise. 

A entrevista xa está dispoñible neste enlace:
http://archive.org/download/EntrevistaAoEscultorDeCans-porrioPacoCandan10-05-12/EntrevistaEscultorFestivalCansPacoCandan10-05-12.mp3

*Entrevistas ARTISTAS LOCAIS na Radio Municipal do Porriño
*Entrevistas VECIÑOS COÑECIDOS na Radio Municipal do Porriño 

Entrevista a Santi Santos de Los Limones 03/05/12

Los Limones xunto con La Frontera, Javier Urquijo, Alberto Cunha, Chavellos Folk e The Pressing Brass son os protagonistas do concerto benéfico que organizan a Asociación de Disminuídos Físicos e Psíquicos de Mos, Asodifisi, e X Quatro Espectáculos. O obxectivo é destinar os cartos recadados ao centro para que poida seguir dando servizo a 25 usuarios despois de que este ano perigase a súa continuidade por falta de fondos.
O concerto é mañá sábado 5 de maio ás 22.00h no pavillón do Porriño e as entradas custan 10 euros (5€ fila cero). Hai puntos de venda repartidos en numerosos establecementos do Porriño, Mos e outros concellos limítrofes (máis información aquí ou no teléfono 620.037.849). 

Santi Santos, cantante de Los Limones

Nós quixemos falar con Los Limones para conversar tanto sobre este concerto solidario como da súa traxectoria e último disco. 

Podes escoitar a entrevista a Santi Santos, cantante de Los Limones, neste enlace:
http://archive.org/download/EntrevistaASantiSantosDeLosLimones03-05-12/EntrevistaASantiSantosDeLosLimonesConcertoAsodifisi03-05-12.mp3

Aquí podes escoitar unha entrevista que lle fixemos a membros da directiva de Asodifisi sobre o labor que fan e os problemas económicos destes últmos anos:
http://siradioporrino.blogspot.com.es/2012/04/entrevista-dous-membros-da-directiva-de.html

*Entrevistas SOLIDARIEDADE E BENESTAR SOCIAL LOURIÑA na Radio Municipal do Porriño
*Entrevistas MÚSICA LOCAL na Radio Municipal do Porriño