Entrevista sobre emprego en Mos (xullo-agosto): Óscar Soto (PP) e M.A. Aldea Moscoso (BNG) 02/08/12

Óscar Soto

Quixemos dar conta das últimas inciativas postas en marcha en materia de emprego no Concello de Mos como o plan de fomento da ocupación para que mosenses, especialmente aqueles menores de 35 anos, se formen en ocupacións demandadas por empresas da comarca. É por isto que falamos con Óscar Soto, concelleiro de Emprego e tenente alcalde de Mos, ao que tamén lle preguntamos sobre o proceso de mediación que está a levar a cabo o Concello para a contratación de persoal en empresas de recente ou futura instalación no municipio (Gadis, Aki, Mercadona...).

"Estamos a conseguir que xente do Concello entre a traballar en empresas que se están a instalar no municipio", díxonos Soto durante a entrevista.

M.A. Aldea Moscoso

A oposición, en especial o BNG de Mos, non concorda co procedemento que está a seguir o goberno local á hora de xestionar parte do procedemento de selección de persoal das novas empresas da zona. "O Concello non pode actuar como unha oficina de emprego recibindo currículums, non nos fiamos do PP", díxonos Miguel Anxo Aldea Moscoso, voceiro dos nacionalistas durante a conversa que tamén mantivemos con el.

Podes escoitar as dúas entrevistas premendo nesta ligazón: 
http://archive.org/download/EntrevistaOscarSotoEAldeaMoscosoEmpregoXulloMos02-07-12/EntrevistaOscarSotoEAldeaMoscosoEmpregoXulloMos02-07-12.mp3

*Entrevistas EMPREGO LOURIÑA na Radio Municipal do Porriño
*Entrevistas ALCALDES E CONCELLEIROS na Radio Municipal da Louriña 

Entrevista Miguel Anxo Aldea Moscoso, voceiro do BNG de Mos 01/02/12

Miguel Anxo Aldea Moscoso

Nesta ocasión falamos co voceiro do BNG de Mos, Miguel Anxo Aldea Moscoso, para facer balance da política local no municipio durante 2011 dende a perspectiva da oposición. Se queres saber que opinión teñen os nacionalistas sobre a débeda do Concello, as políticas de emprego, os presupostos municipais deste ano ou a xestión por parte do goberno local de asuntos como o aparcadoiro do Colexio Castro ou o proxecto do polígono eólico do Galiñeiro só tes que premer enriba da seguinte ligazón e escoitar a entrevista:
http://www.archive.org/download/EntrevistaAMiguelAnxoAldeaMoscosoVoceiroBngMos01-02-12/EntrevistaAMiguelAnxoAldeaMoscosoVoceiroBngMos01-01-12.mp3

*Entrevistas TEMAS POLÉMICOS na Radio Municipal do Porriño